hindistanning ulugh dahisi mahatma gandining közeyniki 260 ming fondstérlinggha sétildi
bu közeynekning engiliyediki talashturup sétish öyige yétip kélish hékayismu alahide qiziqarliq.
türkiye awazi radiyosi xewiri: hindistanning ulugh dahisi mahatma gandining közeyniki engiliyediki talashturup sétshita 260 ming fondstérling sétildi.
hindistan xelqining azadliq kürishini bashlighan mahatma gandi bilen mujessemliship ketken yumilaq közeynek, aridin yillar ötkendin kéyin engiliyediki talashturup sétish öyide otturigha chiqti.
sherqiy bristol talashturup sétish öyi közeynekke 10 mingdin 15 ming fondstérlingghiche baha qoyghan idi.
amérikiliq bir yighip saqlighuchi 260 ming fondstérling (yeni texminen 2 milyon 496 ming türk lirasi) tölesh arqiliq gandining közeynikini sétiwaldi.
közeynekning talashturup sétish öyige yétip kélish hékayismu alahide qiziqarliq.
bu közeynek bir yashanghan kishi teripidin konwértqa sélinip, talashturup sétish öyining xet sanduqigha tashlap qoyulghan.
közeynekning yénidiki mektupta bolsa, «bu közeynek gandigha tewe, manga téléfon qiling, eger közeynekning qimmiti bolmisa, exletke atsanglarmu bolidu» dep yézilghan.
tekshürüshlerdin kéyin, közeynekning rastinla gandigha tewe ikenliki otturigha chiqqan.
bu közeynekning 1920 - yilliri jenubiy afriqa ziyariti jeryanida gandi bilen tonushqan bir tughqanliridin bowaygha qalghanliqi bildürüldi.
sétishtin qolgha kelgen pulning közeynekni talashturup sétish öyige ewetken kishi we qizigha bérilidighanliqi élan qilindi.
