pompéyo: sherqiy aqdéngizda sürkilish peseytilishi kérek

türkiye awazi radiyosi xewiri: amérika qoshma ishtatliri tashqi ishlar ministirliqi bayanatchisi morgan ortagus, pompéyo bilen girétsiye tashqi ishlar ministiri nikos déndiasning, awstriyening paytexti wiyanada ishqa ashurulghan uchrishishi heqqide élan qilghan yazma bayanatida mundaq dédi: «ikki ministir, küchlük amérika – girétsiye munasiwetliri we sherqiy aqdéngizdiki sürkilishni peseytishning zörürlüki qatarliq mesililerni chöridigen halda muzakire élip bardi.»

girétsiye hökümiti türkiyening ege we sherqiy aqdéngiz mesililirini muzakire qilish, saqliniwatqan mesililerni heqqaniyet asasida hel qilish charisi tépish yolida izdinish tekliplirini qobul qilmaywatidu. shuning bilen bir waqitta, yéqinqi yillarda déngiz hoquq dairiliri mesiliside jenubiy qibris rum hakimiyiti we bezi rayon döletliri bilen öz aldigha qedemlerni tashlashni dawamlashturmaqta.