liwiyede hefterning sepliride urush qilghan balilarning bir qismi qoyup bérildi
liwiye armiyesi döletning sherqidiki qanunsiz küchlerning rehbiri hefterning sepliride urush qiliwatqanda tutulup qalghan balilardin bir qismining qoyup bérilgenlikini bildürdi.
türkiye awazi radiyosi xewiri: liwiye hökümiti teripidin dawamlashturuluwatqan «ghezep wolqini» herbiy herikiti qomandanliq ishtabining ammiwi ortaqlishish tor béti Facebook sehipiside élan qilinghan bayanatta, hefterning sepliride urush qiliwatqanda tutulup qalghan 18 yashtin kichik balilardin bir qismining qoyup bérilgenliki bildürüldi, emma bu balilarning sani heqqide melumat bérilmidi.
liwiye hökümiti hefter küchlirini trablus hujumliri jeryanida «bala jengchi» ishlitish bilen eyiblimekte.
hefter paytext trablusni qolgha kirgüzüsh üchün 2019 – yili 4 – aprél küni hujumgha ötüsh üchün buyruq chüshürgen, buninggha asasen, liwiye armiyesige qarashliq qisimlarmu hefter küchlirige qarshi qayturma hujumgha ötkenidi.
2011 – yildin buyan qanunluq salahiyet kirizisini bashtin kechürüwatqan liwiyede, xelqara jemiyet teripidin étirap qilinghan hökümetke qarashliq qisimlar bilen hefterge qarashliq küchler otturisida toqunushlar dawamlashmaqta.
