bezi gherb döletliridiki yuqum ehwaligha alaqidar melumatlar

türkiye awazi radiyosi xewiri: «wuxen wirusi» sewebidin qaza qilghanlarning sani 153 ming 845 ke, yuqumlanghanlar sani 4 milyon 568 ming 375 ke yetken amérika qoshma ishtatlirida, awm palatasining bashliqi nansi pélosi, «wuxen wirusi» sewebidin palata omémiy kéngesh yighinigha qatnishidighan wekillerning maska taqishining shert bolidighanliqini bildürdi.

biraziliyede  yéqinqi 24 saet ichide qaza qilghan 1595 kishi  bilen qoshqanda, yuqum sewebidin qaza qilghanlar omumiy sani 90 ming 134 ke, yuqumlanghuchilar sani ikki milyon  552 ming 265 ke yetti. shuning bilen, qaza qilghanlar sani yuqum otturigha chiqqandin buyanqi kündilik eng yüsek sewiyege yetti. hökümet, mart éyining axirliridin buyan «wuxen wirusi» gha qarshi küresh tedbirliri dairiside taqaq halette turuwatqan chégra éghizlirini qismen échishni, chet elliklerning peqet hawa yoli arqiliq döletke kirishige ruxset qilishni, quruqluq, déngiz we derya chégralirini awghustning axirlirighiche taqaq halette tutushni qararlashturdi.

méksikada yéqinqi 24 saet ichide qaza qilghan 485 kishi  bilen qoshqanda, yuqum sewebidin qaza qilghanlar omumiy sani 45 ming 361 ge, yuqumlanghuchilar sani 408 ming 449 gha yetti.

firansiyede yéqinqi 24 saet ichide qaza qilghan 15 kishi  bilen qoshqanda, yuqum sewebidin qaza qilghanlar omumiy sani 30 ming 238 ge, yuqumlanghuchilar sani 214 ming 733 ke yetti. sehiye ministiri oliwér wéran, firansiyeliklerge üsti ochuq sahelerdimu maska taqashni tewsiye qildi.

italiyede yéqinqi 24 saet ichide qaza qilghan 6 kishini qoshqanda, yuqum sewebidin qaza qilghanlar omumiy sani 35 ming 129 gha, yuqumlanghuchilar sani 246 ming 776 ge yetti.

awstraliyede yéqinqi 24 saet ichide 13 kishi qaza qildi, 744 kishide wirus bayqaldi. shuning bilen, bu reqemler, wirus otturigha chiqqandin buyanqi eng yüksek sewiye bolup qaldi. dölette yuqum sewebidin qaza qilghanlar omumiy sani 189 gha, yuqumlanghuchilar sani 16 ming 295 ke yetti. wiktoriye ölkisining bashliqi daniél andréws, ölüm we yuqum nisbiti tézlik bilen köpiyip ketken ölkide, mélborné bilenla cheklengen «küchke ige sewebler tüpeyli kochigha chiqish we maska taqash sherti» ning bashqa sheherlernimu öz ichige alidighan shekilde kéngeytilgenlikini uqturdi.