liwiye: türkiye bilen ochuq – ashkara kélishim tüzduq

türkiye awazi radiyosi xewiri: u, marakesh tashqi ishlar ministiri nasir burita bilen paytext rabatta bir yerge jem bolghandin kéyin ötküzülgen qoshma axbarat élan qilish yighinida qilghan sözide, liwiyening sherqidiki qanunsiz küchlerning rehbiri xelife hefterge qarashliq xelq eskerlirini qoghlap chiqirish üchün türkiye bilen ochuq - ashkara kélishim tüzgenliklirini tekitlep mundaq dédi: «hefterning 6 – 10 döletning qollishigha érishishidin kéyin, liwiye milliy kéngesh hökümiti türkiyedin yardem telep qildi. chünki bizning bu döletlerning hemmisige qarshi qanuniy heq – hoquqlirimizni qoghdiyalighudek küchimiz yoq idi.»

elmishri, liwiyening 2013 – yildin buyan ereb birleshme xelipilikidin sirt yene, misir we bashqa döletlerning herbiy mudaxilisige duch kéliwatqanliqini, bu ehwalning xelqaraliq qararlargha xilap ikenlikini eskertip mundaq dédi: «hefter köpligen döletlerdin yardem telep qilip, trablus chégralirighiche yétip kelgendin kéyin, türkiyedin yardem telep qilishtin bashqa charimiz qalmidi. bumu ochuq - ashkara kélishimler arqiliq ishqa ashuruldi.»

u, özliri hefterge yardem bériwatqan turuqluq türkiyening liwiyening qanunluq hökümitige yardem bérishini xalimaywatqan döletlerni tenqid qildi.

türkiye bilen liwiye otturisida, 2019 – yili 27 – noyabir küni, «bixeterlik we herbiy hemkarliq kélishim layihesi», hemde ikki dölet xelqara qanungha asasen özlirining heq – hoquqlirini qoghdashni nishan qilidighan «déngiz teweliki hoquq dairisini taraytish kélishim layihesi»  imzalanghanidi.