bu yil nobél mukapati murasimi ötküzülmeydighan boldi
dunyaning eng nopuzluq mukapatliridin biri bolghan we 1956 - yildin béri ötküzülüp kéliwatqan nobél mukapati murasimi bu yil ötküzülmeydighan boldi.
türkiye awazi radiyosi xewiri: her yili dékabirning ikkinchi heptiside shiwitsiyening paytexti stokholimda ötküzülidighan nobél mukapati murasimining kowid-19 yuqumi sewebidin bu yil emeldin qaldurulghanliqi élan qilindi.
nobél fondi jemiyiti élan qilghan bayanatida, mukapatqa layiq körülgenlerning élan qilinidighanliqini, biraq ularning mukapatlirining «yéngi usulda» teqdim qilinidighanliqini bildürdi.
mukapatqa érishküchilerning mukapatni öz dölitide yaki döletlirining elchixanilirida tapshuruwélishtek bir qatarliq formulalar üstide muzakire qiliwatqanliqi uqturuldi.
mukapatlarning intérnét arqiliq bérilidighanliqimu bildürülmekte.
nobél mukapati murasimida her yili 6 sehe boyiche mukapat tarqitilidu.
nobél fondi jemiyitining mukapat tarqitish ishlirigha mesul reisi lars xéykénstén: «tarqilishchan késellik insaniyet üchün bir chong krizis. öz nöwitide yene nobél fondi jemiyiti duch kelgen mesililerning téximu mohim halgha kelgenlikidin dérek béridu. shunglashqa insanlargha ilim-penning ehmiyiti eskertilidu» dédi.
