heniyye ayasofyaning ibadetke échilishi munasiwiti bilen erdoghanni tebriklidi

türkiye awazi radiyosi xewiri: hamasning siyasiy biyurosining rehbiri ismail heniyyening ishxanisi teripidin bu heqte élan qilinghan yazma bayanatqa qarighanda, heniyye, ayasofya jamesining qaytidin ibadetke échiwétilishi we tunji jüme namizining oqulushi munasiwiti bilen, jumhur reis rejep tayyip erdoghangha tebrik télégrammisi yollighan.

u, tebrik télégrammisida, türkiyening we jumhur reis rejep tayyip erdoghanning, pelestin xelqining quddus we mesjidi eqsani öz ichige alghan zéminliri we muqeddes jaylirini qoghdash yolidiki qanuniy kürishini qollap kéliwatqanliqidin intayin minnetdar ikenlikini eskertish bilen bir waqitta, türkiye we pelestin xelqlirini bir yerge jem qilghan qérindashliq rishtisidin intayin pexirlinidighanliqini tekitligen.