wirusni yoqutush iqtidarigha ige maska ishlepchiqirildi
portugaliyede bir qisim akadémiklar, ilim-pen merkezliri we shirketlerning hemkarliqida, yéngi tiptiki tajisiman wirus kowid-19 ni yuqutidighan maska ishlepchiqirilghanliqi ilgiri sürüldi.
türkiye awazi radiyosi xewiri: lizbondiki jow lobo antonis molékula tébbiy institutining axbaratchilargha bergen bayanatida, «<MOxATech> dep atilidighan we aprél éyidin béri bazarda sétiliwatqan bu maskaning bir yürüsh sinaqlardin kéyin kowid-19 wirusini néytrallashturush iqtidarigha ige ikenliki otturigha chiqti» déyildi.
bayanatta, maskada ishlitilgen toqumichiliq matériyali we qoghdash üskünilirige wirus yéqinlashqan haman wirusni néytrallashturush iqtidarigha ige ikenlikini analiz we sinaqlardin kéyin téxi yéngi bayqighanliqi tekitlendi.
institut xadimi shundaqla sinaqlargha yétekchilik qilghuchi wirusshunas pédro simas bu heqte toxtilip, «maskada ishlitilgen rext bilen melum miqdardiki wirus uchrashturulup, mueyyen waqit ichide wirusning néytrallashturulghaniliqini tejribe qilduq. bu maska 50 qétim wirus bilen yéqinlashturulghandin kéyinmu sars we kowid -19 wirusini néytrallashturushni dawamlashturdi. wirusning maska bilen uchrushup bir saet kéyinla %99 tesirini yoqatqanliqini körduq» dédi.
