eli hamanéy iraqtiki shielerning rehberlirini «chong nimet» dep teriplidi

türkiye awazi radiyosi xewiri: eli hamanéyning ishxanisidin élan qilinghan bayanatqa asaslanghanda, iraq bash ministiri mustapa elkazimi tunji chetel ziyariti dairiside, téhranda yétip bérip, iranning diniy rehbiri bilen körüshken. uchrishishqa iran birinchi muawin prézidénti ishaq jihangirimu qatnashqan.

eli hamanéy iraqning zémin pütünlüki we ittipaqliqini qoghdaydighan küchlük, musteqil dölet bolushini qollaydighanliqini bildürüp, «iran ezeldin iraqning ichki ishlirigha arilishish niyitide bolup baqmighan we bolmaydu. iran iraq hökümitining ajizlishishini keltürüp chiqiridighan barliq ishlargha qetiy qarshi turidu. amérikaning iraqqa bolghan qarishi bizningkining del eksiche. amérika  heqiqiy menidin bir düshmendur. musteqil, küchlük we köp sanliqni qollaydighan döletke qarshi» dédi.

amérikigha nisbeten iraqta bash ministirning bolush yaki bolmasliqining muhim emeslikini, sadam hüseyin aghdurulghandin kéyinki deslepki yillarda paul brémér hökümitige oxshash bir hökümetning qurulishini ishqa ashurmaqchi bolghanliqini ilgiri sürgen eli hamanéy sözini dawamlashturup yene mundaq dédi:

«iran iraqning amérika bilen bolghan munasiwietlirige arilashmaydu, emma iraqliq dostlirining amérikini tonushini ümid qilidu. amérika mewjut bolghan hemmila dölette qalaymiqanchiliq, rezillik we buzghunchiliqning sewebi bolup kelmekte. amérika eskerlirini qoghlap chiqirish heqqide iraq parlaménti, hökümiti we xelqi maqullighan qarargha emel qilish kérek. amérika hökümiti iran - iraq munasiwitining tereqqiyatigha qarshi turidu, emma amérikadin hergizmu qorqmasliq kérek, chünki ular héch ish qilalmaydu »

eli hamanéy iran générali qasim suleymanining (1-ayda) iraqta öltürülgenliki üstidimu toxtilip, iraq bash ministiri mustapa elkazimigha xitaben: «ular (amérikiliqlar) öyingizde méhmanliringizni öltürdi we ochuq - ashkare bu qatilliqni étirap qildi. bu kichik mesile emes, iran bu mesilini hergiz untup qalmaydu, buning bedili üchün amérikiliqlargha choqum zerbe béridu» dédi.

hamanéy yene, iraqtki shie rehberlerdin sistani we hashdi shabigha «chong német» baha berdi.

hamanéy iraq shielirining diniy rehbiri eli sistanini «iraq üchün zor nimet» dep teriplidi we «hashid shabimu iraq üchün yene bir chong német, ularni qoghdash kérek» dégen pikirlirini ortaqlashti.