gérmaniye misirni tenqid qildi
gérmaniye tashqi ishlar ministiri héyko maas misirni liwiyege herbiy mudaxile qilish pilanliri sewebidin tenqid qildi.
türkiye awazi radiyosi xewiri: ministir maas, dölet ishliri ziyaritide boluwatqan girétsiyede, mensepdishi nikos déndias bilen ötküzülgen qoshma axbarat élan qilish yighinida, dölitining misirning liwiyege herbiy mudaxile qilish pilanliridin endishe qiliwatqanliqini eskertish bilen bir waqitta, gérmaniye hökümitining liwiyediki terepler we rayonluq aktiyorlar bilen élip bériwatqan uchrishishliri arqiliq liwiyediki sürkilishni azaytishqa tirishiwatqanliqini tekitlep mundaq dédi: «sürkilishni téximu ewj alduruwétidighanliqi üchün, herbiy paaliyetlerge alaqidar qararlargha memnuniyet neziri bilen qariyalmaymiz.»
u yene, liwiyediki tereplerni kirizisni siyasiy yollar arqiliq hel qilish charisi tapalaydighan we uzaq mezgillik urush toxtitishni ishqa ashurush üchün 5+5 (resmiy hökümet we herbiy isyanchi hefter terepdarliridin 5 tin kishi qatnishish) teriqisidiki muzakirilerge qaytishqa chaqirdi.
misir parlaménti, aldinqi küni pirézidént abdulfettah essisige liwiyege herbiy mudaxile qilish pursiti béridighan «döletning milliy bixeterlikini qoghdash üchün kéreklik barliq tedbirlerni qollinish hoquqi bérilishi» ge alaqidar qararnamini maqullighanidi.
