amérikada namayishlarda sot mehkimisige ot qoyup bérildi
amérika qoshma ishtatlirining portland shehiride saqchi zorawanliqigha qarshi ötküzülgen namayishlarda fédératsiye sot mehkimisi binasigha ot qoyup berdi.
türkiye awazi radiyosi xewiri: «‹ AP› agéntliqi» ning xewer qilishiche, portland shehiride saqchi zorawanliqigha qarshi ötküzülgen namayishlarda, namayishchilar hepte axirliri sot mehkimisi binasini qoghdash üchün orunlashturulghan tosuqlardin halqip, binagha ot qoyuwetken.
sot mehkimisi binasi ichidiki fédératsiye dölet xewpsizlik küchliri namayishchilargha yash aqquzush bombisi arqiliq mudaxile qilghan.
portland sheherlik saqchi dairilirining bildürüshiche, yüzlerche namayishchi qoghdinish qalpiqi, gaz maskisi, künlük we kaltekler bilen binaning ishikige qarap mangghanda, fédératsiye dölet xewpsizlik küchliri binaning ichidin chiqip, namayishchilarni tarqitiwetken.
amérika qoshma ishtatlirining minnésota ishtatida, may éyida saqchi zorawanliqi netijiside qaza qilghan tégi afriqaliq amérikaliq jorj floyid üchün köpligen sheherlerde ötküzülgen namayishlar, orégon ishtatining portland shehiridimu dawamlashmaqta.
