qutup éyiqlirining nesli 2100 - yilghiche tügishi mumkin
2100 - yilghiche qutup éyiqlirining neslining tügishi mumkinliki bildürüldi.
türkiye awazi radiyosi xewiri: «tebiet kélimat özgirish» zhurnilida élan qilinghan bir tetqiqat netijiside, kélimat özgirish sewebidin déngiz muzlirida körüliwatqan yuqlushning qutup éyiqlirining sanining aziyishi we ularning éghir derijide yoqilishini keltürüp chiqirish éhtimaligha dair waqit jedwili chiqirildi.
tetqiqatta, parnik éffékti peyda qilidighan gaz qoyup bérish sinariyeside, 2100 - yilghiche bir qanche gurripini hésabqa almighanda, barliq qutup éyiqlirining nesli tügep kétishi mumkinliki yekünlendi.
hawani bulghaydighan gazlarni qoyup bérishni azaytishta muwapiq nishangha yetken teqdirdimu, nurghun qutup éyiq guruppilirining yoqulup kétidighanliqi tekitlendi.
qutup éyiq xelqara tetqiqat idarisi tetqiqatchisi stéwén amstrop «BBC» qaniligha bergen bayanatida: «biz tunji qétim qutup éyiqlarning ewladlirining mewjutliqini dawamlashturalmaydighanliqini körduq. bala éyiqlar tughulidu, emma chishi kutup éyiqlirining bedinide muzsiz ötken pesilde süt ishlepchiqirishqa yetküdek yagh bolmaydu» dédi.
alimlar hazirmu bezi qutup éyiqliri guruppilirining shimaliy qutupta déngiz muzlirining tariyishi sewebidin hayat qélishta qattiq qéyniliwatqanliqini bildürmekte.
