misirda öktichi ehmed dumagha bérilgen 15 yilliq qamaq jazasi testiqlandi
misirliq öktichi, siyasiy paaliyetchi ehmed dumagha bérilgen 15 yilliq qamaq jazasi döletning eng yuqiri sot mehkimisi (naqd soti) da testiqlandi.
türkiye awazi radiyosi xewiri: misirning resmiy xewer agéntliqi (MENA) ning xewirige asaslanghanda, naqd sot mehkimisi «bash ministirliq weqeliri» depmu bilinidighan namayishlar sewebidin 15 yilliq qamaq jazasigha höküm qilinghan paaliyetchi ehmed dumaning qamaq jazasini, döletning eng yuqiri soti bolush süpiti bilen testiqlighan.
misir qanunigha asasen erz sunush yoli taqalghan mezkur qararning bikar qilinishi yaki yéniklitishi we yaki kechürüm qilinishi üchün buningdin kéyinki birdinbir iltimas sunush mumkin bolghan organ prézidéntliq hésablinidu.
misirda herbiy kéngeshning 2011 - yili 12 - ayda kamal genzurigha hökümet qurush wezipisi bérish qararigha naraziliq bildürmekchi bolghan inqilabchi paaliyetchiler bilen namayishchilargha bixeterlik qisimliri qattiq mudaxile qilghan we otturida malimanchiliq yüz bergen bolup, buninggha qarita, teptish mehkimisi 2011 - yili 12 -ayning 16-küni bash ministirliq binasi aldida yüz bergen zorawanliq weqeliri sewebidin 269 kishi heqqide délo turghuzghan idi.
öktichi, siyasiy paaliyetchi depmu bilinidighan ehmed duma, aghduruwétilgen pirézidént hösni mubarek shundaqla 25 - yanwar inqilabidin kéyin bir yérim yil döletni bashqurup kelgen herbiy kéngesh mezgilide, jemiy 18 qétim nazaretke élinghan idi.
ehmed duma misirda 2004 - yildin bashlap qurulghan öktichi heriketlerning hemmiside dégüdek qurghuchi ezaliq wezipisi ötigen libéral siyasiy paaliyetchi dep bilinidu.
مۇناسىۋەتلىك خەۋەرلەر
liwan hizbullahi: isirailiye pushayman qilidu
liwan hizbullahi isirailiye hujum qilsa «pushayman» qilidighanliqi toghrisida agahlandurdi.