xongkongda bügün yéngi maqullanghan qanun boyiche tutqun qilish bashlandi

türkiye awazi radiyosi xewiri: «jenubiy xitay seher pochtisi géziti» ning xewirige qarighanda, xongkongning engiliyedin xitaygha ötküzüp birilgenlikining 23 – xatire yilida, bir guruppa kishiler kochilargha chiqip naraziliq namayishi ötküzgen.

tünügün xongkongda talash-tartishliq bixeterlik qanuni yolgha qoyulghandin kéyin, saqchilar koséway bay rayonida namayishchilargha  yash aqquzush bombisi étip, namayishchilarni tarqitiwétishke urundi.

saqchilar namayishchilarni dölet bixeterlik qanunigha xilapliq qilghanliqi bilen agahlandurup, much gazi chachti.

saqchilar yéngi qanun boyiche 30 din artuq namayishchini «musteqilliqni teshebbus qilidighan bayraqlarni kötürüsh», «ruxsetsiz yighilish» we «saqchilarning wezipisini ijra qilishigha tosqunluq qilish»... qatarliq jinayetler bilen eyiblep nazaretke aldi.

bu ariliqta yawropa ittipaqi tashqi munasiwet we bixeterlik siyasiti aliy wekili joséf borrél bu qanunning xongkongda «ehmiyetlik» shekilde meslihet qilinmighanliqini bildürüp: «yawropa ittipaqi  maqullanghan mezkur qanungha bolghan endishisini qayta tekitleydu» dédi.

borrél yawropa ittipaqining «bir dölet , ikki xil tüzüm » prinsipi dairiside, xongkongning aptonomiyesi, muqimliqi we bayashatliqigha intayin ehmiyet béridighanliqini bildürdi.

borrél mezkur qanunning xongkongning aptonomiyesige, edliye organlirining musteqilliqigha we qanunning üstünlükige zor ziyan salidighanliqini tekitlep: «yawropa ittipaqi xitayni xongkongning qanunluq aptonomiyesige ziyan yetküzidighan heriketlerdin saqlinishqa chaqiridu» didi.