pirézidént tramp maska taqash permanini chiqrishqa qistalmaqta

türkiye awazi radiyosi xewiri: wuxen wirusi sewebidin jénidin ayrilghanlar sani 128 ming 819 gha, yuqumlanghanlar sani 2 milyon 683 ming 300 din ashqam amérikada, démokratlar yuqumning iqtisadqa qedemmu qedem qaytish musapiside qaytidin köpiyishi we bezi ishtatlarda yuqumning rékort sewiyege chiqishi sewebidin, pirézidént trampni pütkül dölette maska taqashni mejbur qilidighan perman chiqirishqa qistimaqta.

amérikada hazirghiche 18 ishtatta maska taqash mejburiy bolup, bashqa nurghun ishtatta maska toghrisida qismen belgilimiler bar.

dölette wuxen wirusi bilen yuqumlanghan nurghun balilar arisida beden ezaliri tesirge uchrighan « köp xil sistéma yallughlinish uniwérsal késelliki» ge giriptar bolghanlarning barliqi bildürüldi.

amérika késelliklerni kontrol qilish we aldini élish merkizining melumatlirigha asaslanghanda, 2020-yili mart éyining béshidin may éyining axirighiche otturiche yéshi sekkiz bolghan 285 balida oxshash alametler bayqalghan. bularning ichide alte bala késellik sewebidin jénidin ayrilghan.

wuxen wirusining eng éghir tesirige uchrighan ikkinchi dölet bolghan biraziliyede, yéqinqi 24 saette 692 kishi wuxen wirusi sewebidin jénidin ayrildi we jemiy jénidin ayrilghanlar sani 58 ming 385 ke chiqti. 24 saet ichide 24 ming 52 kishi yuqumlandi we jemiy yuqumlanghanlar sani 1 milyon 368 ming 195 ke chiqti.

méksikada yéqinqi 24 saette 473 kishi wuxen wirusi sewebidin jénidin ayrildi we jemiy san 27 ming 121 ge, yuqumlanghanlar sani 3 ming 805 kishi köpiyip 220 ming 657 ge chiqti.

wuxen wirusi sewebidin 43 ming 575 kishi jénidin ayrilghan we yawropadiki waba merkizige aylanghan engliyede, londonning shimaligha texminen 160 kilométir kélidighan 400 ming nopusluq léyjéstér (Leicester) shehiride, yéqinqi ikki heptide wirusqa munasiwetlik 866 weqe körüldi.

engliye sehiye ministiri mat xankok (Matt Hancock) bügün (2020-yili30-iyun) din bashlap sheherdiki muhim bolmighan parche sétish magézinlirining, 2020-yili 2-iyuldin bashlap mekteplerning taqilidighanliqini élan qildi.

u léyjéstér shehiri puqralirini öyide olturushqa, sheher ichi we sirti sayahetlerni qilmasliqqa chaqirdi. u: «ijtimaiy musape qaidelirige riaye qiliniwatqan yaki qilinmaywatqanliqini yéqindin közitimiz. zörür bolghanda, bu toghrida tedbir alimiz» dédi.

italiyede yéqinqi 24 saette 2020-yili 29-féwraldin buyanqi wuxen wirusigha munasiwetlik eng töwen ölüm sani bolghan alte ölüm yüz berdi we buning bilen jemiy ölüm sani 34 ming 744 ke chiqti. yuqumlanghanlar sani 185 kishi aziyip 16 ming 496 ge töwenlidi. yéqinqi 24 saette 174 kishi yuqumlandi.

engliyediki wabaning merkizi bolghan lombardiya (Lombardiya) rayonida, yuqumning dawamliq tarqilishi sewebidin 2020-yili 14-iyulghiche ammiwi sorunlarda mejburiy maska taqash yolgha qoyuldi.

firansiyede yéqinqi üch künde 35 kishi wirus sewebidin jénidin ayrildi we jemiy jénidin ayrilghanlar sani 29 ming 813 ke chiqti. yéqinqi 24 saette 280 kishining yuqumlinishi bilen, jemiy yuqumlanghanlar sani 200 ming 611 ge chiqti.

ispaniye sehiye ministirliqi yéqinqi bir heptide bir kishining wuxen wirusi sewebidin jénidin ayrilghanliqini we jemiy jénidin ayrilghanlar sanining 28 ming 346 ge chiqqanliqini, yuqumlanghanlar sanining 84 kishi köpiyip 248 ming 970 ke chiqqanliqini élan qildi.

ispaniyening shimaligha jaylashqan we hazirghiche wuxen wirusi sewebidin 334 kishi jénidin ayrilghan asturiyas (Asturias) ta 17 kündin buyan wirusqa munasiwetlik weqe körülmigenliki diqqet qozghidi.

portugaliyede yéqinqi 24 saette töt kishi wirus sewebidin jénidin ayrildi we bu san 1 ming 568 ge chiqti. yuqumlanghanlar sani bolsa, 266 kishi köpeydi we jemiy jénidin ayrilghanlar sani 41 ming 912 ge chiqti.

bélgiyede 9 ming 747 kishi wuxen wirusi sewebidin jénidin ayrildi, 61 ming 427 kishi yuqumlandi.

balqan rayonidiki bezi döletlerde yuqum sanining köpiyishi sewebidin emeldin qaldurulghan tedbirler qaytidin küchke ige qilindi.

sérbiyede yéqinqi 24 saette töt kishi jénidin ayrildi we jemiy san 274 ke chiqti. yuqumlanghanlar sani 242 kishi köpiyip 1 ming 433 ke chiqti. paytext bélgradta barliq makanlarda mejburiy maska taqash yolgha qoyuldi. wighayi (Vranje) shehiride jiddiy halet élan qilindi.

silowéniyede 111 kishi wirus sewebidin jénidin ayrildi, 1 ming 585 kishi yuqumlandi.

kirodiyede 107 kishi wuxen wirusi sewebidin jénidin ayrildi we yuqumlanghanlar sani 34 kishi köpiyip 2 ming 725 ke chiqti.

qarataghda wuxen wirusi sewebidin toqquz kishi jénidin ayrildi. ötken ay tügigenliki élan qilinghan yuqum qaytidin özini körsetti. 17 kishide wirus bayqaldi we jemiy yuqumlanghanlar sani 500 ge yéqinlashti.

bsniye-gérységowinada yéqinqi 24 saette bir kishi jénidin ayrildi, 128 kishide wirus bayqaldi. buning bilen, jemiy yuqumlanghanlar sani 4 minggha yéqinlashti. bosniye-gértségowina islam birleshmisining bashliqi hüseyin kazawij munasiwetlik idare-organlarni sérbiyediki musulmanlar nopusi köp sanliqni igileydighan sanjaq rayonigha yardem qilishqa chaqirdi.

awstiraliyening mélborn shehiride yuqum sanining köpiyishi sewebidin wirusqa munasiwetlik weqe eng köp körülgen 10 mehellide zörür bolmighan ehwalda sirtqa chiqish cheklendi. beziliride türkler zich bolghan bu 10 mehellide ete (2020-yili 1-iyul) yérim kéchidin bashlap yolgha qoyulidighan yéngi belgilimiler 29-iyulghiche küchke ige bolidu.

awstiraliyede wuxen wirusi sewebidin 104 kishi jénidin ayrildi, 7 ming 767 kishi yuqumlandi.