amérika xewpsizlik kéngishige irangha émbargo yürgüzüsh layihesi sundi
amérika qoshma ishtatliri birleshken döletler teshkilati xewpsizlik kéngishige irangha qaritilghan qoral – yaragh émbargosining muditini yéngilash nishan qilinghan qarar layihesini sundi.
türkiye awazi radiyosi xewiri: birleshken döletler teshkilati xewpsizlik kéngishining uda 13 yildin buyan irangha yürgüzüwatqan qoral – yaragh émbargosining mudditi, 2015 – yili imzalanghan «yadro kélishimi» dairiside bu yil öktebir éyida axirlishidu.
irangha qaritilghan xelqaraliq émbargolarning yéngilinishini telep qilghan amérika qoshma ishtatliri, birleshken döletler teshkilati xewpsizlik kéngishige sunghan qarar layiheside, irangha qoral – yaragh we munasiwetlik matériyallarni sétish, teminlesh we yötkeshni chekleshni telep qilmaqta. shuning bilen bir waqitta, herqaysi ellerge, irangha baridighan paraxotlarda cheklengen matériyallar barliqigha alaqidar sewebler bolghan ehwal astida, tekshürüsh toghruluq chaqiriqta bolmaqta.
rusiye bilen xitay bolsa, irangha qaritilghan émbargolarning yéngilinishigha qarshi chiqmaqta.
igilinishiche, birleshken döletler teshkilati xewpsizlik kéngishide bir qarar layihesining qobul qilinishi üchün, 15 ezadin kem dégende 9 ining qollap awazi bérishi we daimiy ezalar amérika qoshma ishtatliri, rusiye, xitay, engliye we firansiyedin héchbirining wétu hoquqini ishletmesliki shert iken.
