méksikada yer tewridi
méksikaning jenubigha jaylashqan oaxaga (Oaxaca) rayonida yüz bergen 7.5 bal yer tewreshte, deslepki melumatlargha asaslanghanda, besh kishi jénidin ayrildi.
türkiye awazi radiyosi xewiri: méksikaning jenubigha jaylashqan oaxaga ishtatida 7.5 bal yer tewridi.
yerdin besh kilométir chongqurluqta yüz bergen bu qétimqi yer tewreshning merkizining, oaxagagha qarashliq koyul (Coyul) shehirining gherbige toqquz kilométir kélidighanliqi qeyt qilindi.
méksika pirézidénti andrés manuél lopéz obrador (Manuel Lopez Obrador), yer tewreshte oaxagagha qarashliq xuatulko (Huatulco) shehiride bir binaning örülüp chüshüshi netijiside, bir kishining jénidin ayrilghanliqini, yer tewreshtin kéyin qalduq yer tewreshning yüz bergenlikini élan qildi.
oaxaga waliysi aléksandro murat (Alejandro) ishtatta ikki kishining jénidin ayrilghanliqini bildürdi.
fédératsiye xelq mudapiesi mesulliri dölet igilikidiki péméks (Pemex) néfit shirkitide ishleydighan bir ishchi bilen oaxaganing san agustin amaténgo (SanAgustin Amatengo) yézisida bir kishining jénidin ayrilghanliqini qeyt qildi.
péméks shirkiti yene, yer tewreshte bir néfit ayrish zawutigha ot ketkenlikini, weqede bir ishchining yarilanghanliqini we otning derhal öchürüwélinghanliqini élan qildi.
paytext méksika shehiride minglarche kishi yer tewresh sewebidin kochilargha chiqti. köwrükler, chérkawlar we tashyollar ziyangha uchridi. bezi rayonlarda éléktir toxtidi.
