tramp: wénézuéla pirézidénti nikolas maduro bilen körüshüshni oylishimen

türkiye awazi radiyosi xewiri: amérika pirézidénti donald tramp, wénézuéla pirézidénti nikolas maduroning özi bilen körüshüshni telep qilghanliqini bildürüp, «maduro körüshüshni telep qiliwatidu we menmu körüshüshlerge qarshi emesmen. nahayiti az sandiki körüshüsh teklipini ret qildim. buni oylishimen» dédi.

pirézidént donald tramp amérikaning aksios qanilining söhbet pirogrammisida soallargha jawab bérish jeryanida, döliti bilen wénézuéla otturisidiki soghuqchiliq toghrisidimu toxtaldi.

u, sabiq dölet xewpsizlik ishliri meslihetchisi jon boltonning qollishi bilen wénézuélada özini muweqqet pirézidént dep élan qilghan xuen guaydo bilen héchqandaq bir baghlinishliqi yoqluqini eskertip, «uning bilenmu bolidu, uningsiz bolidu, biraq, wénézuélada yüz bergen ishlargha qetiy qarshimen» dédi.

guaydoning saylanghan biri ikenlikini, biraq özining uninggha bek ijabiy qarimaydighanliqini bildürgen tramp, «bezi kishiler uni yaxshi köridu, beziliri yaxshi körmeydu. shunga her ikki terep unchiwala chongqur mene ipadilep ketmeydu» dégenlerni qeyt qildi.

tramp, wénézuéla pirézidénti nikolas maduro bilen ishqa ashqusi bir uchrishishqa qandaq qaraydighanliqi toghrisidiki bir soalgha « maduro körüshüshni telep qiliwatidu we menmu körüshüshlerge qarshi emesmen. nahayiti az sandiki körüshüsh teklipini ret qildim. buni oylishimen» dep jawab berdi.