sharlot shehiride qanliq weqe yüz berdi
amérikaning shimaliy karolina ishtatidiki sharlot (Charlotte) shehiride ötküzülgen ochuq hawa paaliyitide qanliq weqe yüz berdi.
türkiye awazi radiyosi xewiri: amérikaning shimaliy karolina ishtatigha jaylashqan sharlot shehiride ötküzülgen ochuq hawa köngül échish paaliyitide oq chiqirish weqesi yüz berdi. weqede ikki jénidin ayrilip, yette kishi yarilandi.
sharlot-méklénburg saqchi idarisining mesulliridin jonni jénnings (Johnny Jennings) bu heqte bayanat élan qilip, amérikada qulluq tüzüm bikar qilinghan «19-iyun» (Juneteenth) künini tebrikleshning dawami süpitide ötküzülgen ochuq hawa köngül échish paaliyitide, yérim kéche waqtida oq chiqirilghanliqini bildürdi.
u oq chiqirish weqeside, ikki kishining jénidin ayrilip, yette kishining yarilanghanliqini eskertti. u weqe yüz bergen jayda oq chiqarghan birdin köp kishining barliqini, oq chiqirilghanda qachqan besh kishige aptomobil soqulghanliqini qeyt qildi.
yarilanghan 12 kishi doxturxanigha apirildi, emma weqening tepsilatigha munasiwetlik melumatlar bérilmidi.
2020-yili 25-may amérika minnésota ishtatining minnépolis shehiride qara tenlik jorj floyd (George Floyd) saqchilarning zorawanliqi sewebidin jénidin ayrilghan bolup, buninggha qarshi her qaysi jaylarda keng kölemlik namayishlar partlighan idi.
