liwiye misirning chaqiriqini ret qildi
liwiye tashqi ishlar ministirliqi misirning ereb elliri ittpaqida «liwiye mesilisi» témiliq yighin ötküzüsh chaqiriqini ret qildi.
türkiye awazi radiyosi xewiri: «‹liwiiye elehrar› téléwiziye qanili» ning liwiye tashqi ishlar ministirliqini menbe körsitip xewer qilishiche, trablus hökümiti, qahirening ereb elliri ittipaqida diplomatiye ministirliri derijilik pewquladde «liwiye mesilisi» témiliq yighini ötküzüsh chaqiriqini, bundaq bir yighinning «asasiq pirinsiplargha xilap» bolghanliqi we «qahire hökümitining bu heqte liwiye milliy hökümiti bilen kéngeshmigenliki» seweblik ret qilghan.
buningdin bashqa yene, ministirliq, pirinsiplar we teyyarliq xizmetliri nezerde tutulmighan ehwal astida, herqandaq bir yighinda maqullinidighan höjjetke qarshi turush hoquqi barliqini tekitligen.
ereb elliri ittipaqi bash katibat bashqarmisi, misirdin liwiyediki özgirishler heqqide muzakire élip bérish üchün pewquladde yighin ötküzüsh chaqiriqi tapshuruwalghanidi.
liwiye hökümiti teripidin bolsa bu heqte téxiche héchqandaq bayanat élan qilinmidi.
ereb elliri ittipaqimu yighin mesilisidiki qararini téxiche jakarlimidi.
