ikki koréye otturisidiki jiddiychilik barghanche yuqiri örlimekte

türkiye awazi radiyosi xewiri: pyongyang hökümitining yene chégragha tekshürüsh ponkitlirini quridighanliqi we maniwérlarni dawamlashturup, teshwiqat sharlirigha qarshi aldinqi liniyelerni achidighanliqi bildürüldi.

shimaliy koréyening bu tashlighan qedemliri 2018 - yili jenubiy koréye bilen tüzülgen we chégradiki herbiy jiddiylikni azaytishni meqset qilghan kélishimning bikar qilinidighanliqini bildüridu.

kélishim dairiside chégradiki tekshürüsh ponkitliri élip tashlanghan,  bir qisim minalar tazilanghan we heqiqiy oq ishlitilidighan manéwirlar toxtitilghan idi.

jenubiy koréye armiye bash ishtabi herbiy heriket ishliri bashliqi jéon dongjin bu heriketler ikki koréye otturisidiki munasiwetlerning yaxshilinishi we yérim arilida tinchliq üchün nechche on yillardin buyan dawamlashqan tirishchanliqni putlighanliq bolidighanliqini tekitlep, «eger shimaliy koréye heqiqeten mushundaq birer qedem tashlisa, shübhisizki uning bedilini töleydu» dédi.

shimaliy koréye tünügün ikki koréye otturisidiki özara alaqilishish ishxanisini partilitiwetken idi.

jenubiy koréyediki paaliyetchilerning shimaliy koréyege teshwiqan wariqi yollash jiddiylikidin kéyin, kim jongunning singlisi kim yö jong 4 - iyunda, shar arqiliq teshwiqat wariqi yollighan shimaliy koriyelik panahlanghuchilarni wetinige xiyanet qilish bilen eyibligen idi.

jenebiy koriyening shimaliy chégrasida shar arqiliq teshwiqat waraqchiliri yollash, uzun yillardin buyan shimaliy koriyelik panahlanghuchi paaliyetchilerning usuli bulup kelgen bolup, shimaliy koréye bu heriketni özige qilinghan hujum dep bahalap kelmekte idi.