ereb qebililer türkiyening herbiy heriketlirini qollidi
iraqtiki ereb qebililer türkiyening térrorchilarning uwilirini nishan qiliwatqan herbiy heriketlirini qollidi.
türkiye awazi radiyosi xewiri: kerkük, salahidin we diyale wilayetlirige wekillik qilidighan ereb qebililirining bayanatchisi sheyx mizahim elhuweyt, bu heqte élan qilghan yazma bayanatida mundaq dédi: «türkiye armiyesining iraqning shimalida bölgünchi térrorluq teshkilati p k k gha qaritilghan herbiy heriketlirini qollaymiz. chünki, bu herbiy heriketler, sinjar téghida bölgünchi térrorluq teshkilati p k k ning kontrolluqidiki türmilerde naheq yétiwatqan ereb ayalliri duch kéliwatqan ten jazaliri we basqunchiliqlarghimu bir jawab alahidilikini öz ichige alidu. derweqe, sinjarda yer asti mexpiy 8 türme bar bolup, bu yerde ayallarnimu öz ichige alghan texminen 80 mesum ereb tutqun bar. bölgünchi térrorluq teshkilati p k k sinjar, mahmur we etrapidiki rayonlarda insaniyetke qarshi jinayet sadir qilmaqta. iraq merkiziy hökümiti, baghdad parlaménti, iraq kord rayonluq hökümiti we erbil parlaméntini, bu teshkilatning döletning shimaliy qismidin chékinishi üchün qarar maqullashqa chaqirimiz.»
