yawropada hayat normallishishqa bashlidi

türkiye awazi radiyosi xewiri: wuxen wirusi sewebidin 34 ming 345 kishi jénidin ayrilghan italiyede, tashqi ishlar ministiri luyji dimaiyu (Luigi Di Maio) wuxen wirusidin kéyin, 15-iyun (bügün) ning yawropa qaytidin échilidighan kün bolidighanliqini bildürdi.

firansiyede yéqinqi 24 saette wuxen wirusi sewebidin toqquz kishining jénidin ayrilishi bilen, jemiy jénidin ayrilghanlar 29 ming 407 ge chiqti. yuqumlanghuchilar sanida 407 kishining köpiyishi bilen, jemiy yuqumlanghuchilar sani 194 ming 625 ke chiqti.

firansiye pirézidénti makron yesli, bashlanghuch we ottura mekteplerning 2020-yili 22-iyundin bashlap normallishidighanliqini we barliq oqughuchilarning mektepke baridighanliqini éytti.

u parizhda yolgha qoyuluwatqan wuxen wirusi tedbirlirining emeldin qaldurulghanliqini, qehwexana we réstoranlarning ich qisimlirining bügün (2020-yili 15iyun) din bashlap mulazimet qilsa bolidighanliqini uqturdi.

u yene, bügndin bashlap yawropa ichide erkin sayahet qilishqa bolidighanliqini we waba kontrol qilinghan yawropa sirtidiki döletlerge 2020-yili 1-iyuldin bashlap barsa bolidighanliqini bildürdi.

italiye sehiye ministirliqi 27 dep élan qilinghan heptilik wuxen wirusi ölüm sanini 26 ge chüshürdi. jemiy ölüm sanini buningdin burun 27 ming 136 de toxtatqan ministirliq, yéqinqi 24 saette yéngidin 48 ölümning qoshulushi bilen, jemiy ölüm sanining 243 ming 928 ge chiqqanliqini uqturdi.

portugaliyede yéqinqi 24 saette wuxen wirusi sewebidin besh kishi jénidin ayrildi we jemiy san 1 ming 517 ge chiqti. oxshash waqit ichide 227 kishide wirus bayqaldi. buning bilen, jemiy yuqumlanghanlar sani 36 ming 690 gha chiqti.

wuxen wirusi sewebidin eng köp ölüm we yuqumlinish körülgen amérikada, 117 ming 858 kishi jénidin ayrildi, 2 milyon 162 ming 228 kishi yuqumlandi.

wuxen wirusining ng éghir tesirige uchrighan ikkinchi dölet biraziliyede, wirus sewebidin jénidin ayrilghanlar sani 43 ming 389 gha, yuqumlanghanlar sani 867 ming 882 ge chiqti.

wuxen wirusi sewebidin 17 ming 141 kishi jénidin ayrilghan méksikada, yuqumlanghanlar sani 146 ming 837 ge chiqti.

bezi döletlerdiki wuxen wirusigha munasiwetlik ölüm sanliri töwendikiche:

engliye 41 ming 698, bélgiye 9 ming 655, gérmaniye 8 ming 870, kanada 8 ming 146, péru 6 ming 688, shiwétsiye 4 ming 874, chili 3 ming 323 we kolombiye 1 ming 667.