b d t: amérikaning xelqara jinayi ishlar soti qararigha naraziliq bildürdi
birleshken döletler teshkilati amérika qoshma ishtatlirining xelqara jinayi ishlar soti dairilirigha émbargo yürgüzüsh qararigha naraziliq bildürdi.
türkiye awazi radiyosi xewiri: birleshken döletler teshkilati kishilik hoquq aliy komitétining bayanatchisi rupért kolwillé, b d t ning jenwediki ish béjirish ornida ötküzgen axbarat élan qilish yighinida, amérika prézidénti donald trampning bu heqtiki qararigha naraziliq bildürüp mundaq dédi: «xelqara jinayi ishlar sotining sirtning mudaxilisige duch kelmestin paaliyetlirini dawamlashturush iqtidarini kapalet astigha élish mejburiyiti bardur. shundaq qilghandila, andin, mesililer heqqide herqandaq bir organning biwasite yaki wasitilik namunasip bésimi yaki mudaxilisige duch kelmestin, weyaki bashqa sewebler tüpeyli toghra qarar chiqiralishi mumkin. amérikaning xelqara jinayi ishlar soti dairilirigha émbargo yürgüzüsh qarari tolimu epsuslinarliq ishtur. xelqara jinayi ishlar soti ezalirighimu tesir körsetken bu qarari tüpeyli amérikani agahlandurimen.»
tramp amérika armiyesining afghanistandiki herbiy paaliyetliri dawamida «urush jinayetliri» sadir qilip qilmighanliqini tekshürgen xelqara jinayi ishlar soti dairilirigha émbargo yürgüzüsh nishan qilinghan qararnamini peyshenbe küni imzalighanidi.
bu qarardin kéyin, xelqara jinayi ishlar soti dairiliri we ezalirigha qoyulghan wiza cheklimisining mudditini uzartish yolida héchqandaq tosalghuning qalmighanliqi bildürülgenidi.
