b d t liwiye urush toxtitish yighinliri heqqide bayanat élan qildi

türkiye awazi radiyosi xewiri: birleshken döletler teshkilati liwiyege yardem bérish heyitining ammiwi ortaqlishish tor béti Twitter sehipiside élan qilinghan bayanatta, liwiye hökümiti we döletning sherqidiki qanunsiz küchlerning rehbiri xelife hefter heyiti bilen söhbet ötküzülüshke bashlinishining xushallinarliq ehwal ikenliki bildürüldi.

bayanatta, 5+5 formulisi astida chaqirilghan ortaq herbiy komitétning 3 – nöwetlik  téléwiziye - téléfon yighinlirining, 3 - iyun küni hefter heyiti bilen, 9 – iyun künbi liwiye hökümiti heyiti bilen ishqa ashurulghanliqi qeyt qilindi.

birleshken döletler teshkilati liwiyege yardem bérish heyiti, 2 – iyun küni élan qilghan bayanatida, liwiye hökümiti bilen döletning sherqidiki qanunsiz küchlerning rehbiri herbiy isyanchi hefterning urush toxtitish söhbetlirining qaytidin bashlinishini qobul qilghanliqini uqturghanidi.

liwiye kirizisi toghruluq ilgiri ayrim - ayrim 3 söhbet üstili qurulghan bolsimu, lékin hefterning muresseleshmez pozitsiyesi sewebidin muzakirilerde héchqandaq ilgirilesh hasil qilinalmighanidi.