fethullahchi térorluq teshkilati hem amérikadin, hem gruziyedin zerbe yédi
amérikaning alabama ishtatida fethullahchi térorluq teshkilati achmaqchi bolghan we délosi 2019 - yili 8 - awghusttin béri dawamlishiwatqan kélishimlik mektepni taqash qarar qilindi.
türkiye awazi radiyosi xewiri: alabama döletlik kélishimlik mektepler komitétida élip bérilghan awaz bérishte, fethullahchi térorluq teshkilatining «wodland teyyarliq mektipi» ning échilish shertige toshmighanliqi we omumen qobul qilinghan maliye ölchimige emel qilmighanliqi sewebidin taqiwétilishi qarar qilindi.
yene bir tereptin, gruziye maaripning süpitini östürüsh merkizimu fethullahchi térorluq teshkilatigha tewe shota rustawéli bashlanghuch we toluq ottura mektipining ijazetnamisini bikar qildi.
gruziye maarip ministirliqigha qarashliq merkezning yazma bayanatida, gruziyening rustawi shehiride paaliyet qiliwatqan fethullahchi térorluq teshkilatigha tewe mektepning ijazetnamisi mekteptiki maarip sharaitining yilliq maarip pilanigha mas kelmeydighanliqi sewebidin bikar qilghanliqi élan qilindi.
