irangha ait yük paraxoti kömtürülüp ketti

türkiye awazi radiyosi xewiri: iran déngizchiliq we port shirketliri bixeterlik ishliri orginining mesuli nadir pesendening «‹méhr› agéntliqi» gha bergen bayanatida eskertishiche, huzistan ölkisige qarashliq hürremshehrdin, iraqning ummul qesr portigha qarap yolgha chiqqan, 850 tonna sapal matériyalliri qachilanghan yük paraxoti, shu jay waqti saet 03 te iraq su tewelikide kömtürülüp ketken. qazada ikki kishi hayatidin ayrilghan, 4 kishi qutquzuwélinghan. yoqap ketken kapitanni qutuldurush üchün iran we iraqqa ait izdesh - qutquzush etretliri derhal heriketke ötken.

iraq taratquliri, iraqning jenubigha jaylashqan «paris qoltuqi» ning «hor abdullah qanili» éghizida irangha ait yük paraxoti kömtürülüp ketkenlikini uqturghanidi.

besre muawin waliysi we sabiq qatnash ministiri qazim finjan, iraq taratqulirigha bergen bayanatida, paraxotta qapsilip qalghan 4 xadimning qutquzuwélinghanliqini, bashqa 5 kishini izdesh – qutquzush paaliyetlirining dawamlishiwatqanliqini bildürgenidi.