rusiyede yuqumlanghanlar sani 400 mingdin ashti

türkiye awazi radiyosi xewiri: rusiyede wuxen wirusi sewebidin jénidin ayrilghanlar 5 ming 37 ge, yuqumlanghanlar 423 ming 74 ke chiqti.

taylandta yéqinqi bir heptide wuxen wirusi sewebidin bir kishi jénidin ayrildi. tayland sehiye ministirliqi élan qilghan bayanatta, jemiy jénidin ayrilghanlar sanida bir kishining köpiyishi bilen 58 ge, yuqumlanghanlar sanidimu bir kishining köpiyishi bilen 3 ming 83 ke chiqqanliqi bildürüldi.

hindonéziyede wuxen wirusi sewebidin 1 ming 641 kishi jénidin ayrildi, 26 ming 940 kishi yuqumlandi. 7 ming 637 kishining salametliki yaxshilandi.

hindonéziyede bu yil (2020) waba sewebidin hejge barmasliq qarari élindi.

hindistanda yéqinqi bir künde 204 kishi wuxen wirusi sewebidin jénidin ayrildi we bu san 5 ming 598 ge chiqti. yuqumlanghanlar sani bir künde 8 ming 171 kishi köpiyip 198 ming 706 ge yetti.

pakistanda wuxen wirusi sewebidin jénidin ayrilghanlar sani 1 ming 621 ge yuqumlanghanlar sani 76 ming 397 ge yetti.

marakeshte wuxen wirusi sewebidin jénidin ayrilghanlar sani 205 ke, yuqumlanghanlar sani 7 ming 833 ke chiqti. bu dölette wuxen wirusigha munasiwetlik weqeler körünerlik derijide azaydi. 2020-yili 20-marttin bashlap yolgha qoyulghan «sehiye sahesidiki jiddiy halet» dairisidiki tedbirlerning ijabiy netije bergenliki qeyt qilinmaqta.

bangladishning «koks bazar» (Cox's Bazar) rayonida arakanliq musulmanlar yashaydighan bir lagérda, wuxen wirusigha munasiwetlik tunji ölümning yüz bergenliki bildürüldi. lagérlarda wirush bilen yuqumlanghanlar sani 29 gha chiqti.

iranda wuxen wirusi sewebidin 7 ming 942 kishi jénidin ayrildi, 157 ming 562 kishi yuqumlandi.

bezi yawro-asiya döletliridiki wuxen wirusigha munasiwetlik ölüm we yuqumlinish sanliri töwendikiche:

qazaqistanda wuxen wirusi sewebidin 41 kishi jénidin ayrildi, 11 ming 571 kishi yuqumlandi.

özbékstanda 15 kishi jénidin ayrildi, 3 ming 718 kishi yuqumlandi.

 qirghizistanda 17 kishi jénidin ayrildi, 1 ming 845 kishi yuqumlandi.

giruziyede 12 kishi jénidin ayrildi, 799 kishi yuqumlandi.

moldawiyede 307 kishi jénidin ayrildi, 8 ming 360 kishi yuqumlandi.

tajikstanda 47 kishi jénidin ayrildi, 4 ming 13 kishi yuqumlandi.

afriqa qiteside wuxen wirusi sewebidin jénidin ayrilghanlar 4 ming 344 ke, yuqumlanghanlar sani 152 ming 442 ge chiqti. bez afriqa döletliri yuqumlinish ehwalida éshish körülgen bolsimu tedbirlerni yenggillitishke bashlidi.

wuxen wirusigha munasiwetlik eng köp weqe körülgen jenubiy afriqa, xelqqe hepte béshidin bashlap ishqa chüshüshni chaqiriq qildi, talash-tartish qozghighan haraq sétish ishlirighimu aridin ikki ay ötkendi ruxset qildi.

kamérunda mektepler échildi.

nigériyede jamaet bilen namaz oqushni cheklesh emeldin qalduruldi. 20:00 din 06:00 giche bolghan qismen sirtqa chiqishni cheklesh belgilimisi 22:00 din 04:00 ke özgertildi.

burkina fasoda yolgha qoyulghan 21:00 din 04:00 kiche bolghan sirtqa chiqishni cheklesh belgilimisining ete (2020-yili 3-iyun) din bashlap emeldin qaldurulidighanliqi élan qilindi.

ganada ijtimaiy musape qaidelirige riaye qilghan asasta ishleshke, jamaet bolup ibadet qilishqa we ijtimaiy paaliyetlerning ötküzülüshige ruxset qilindi.