xongkongda tyenenmén qurbanlirini xatirilesh cheklendi
bu yil (2020) xongkongda xitay paytexti béyjingda bundin 31 yil burun yüz bergen tyenenmén weqeliride jénidin ayrilghanlar üchün ötküzülmekchi bolghan xatirilesh paaliyetliri, wuxen wirusi(Kovid-19) sewebidin cheklendi.
türkiye awazi radiyosi xewiri: jenubiy xitay seher pochtisi géziti tyenenmén qurbanlirini xatirilesh murasimlirining cheklengenlikini xewer qildi.
gézitning xewiride bildürülishiche, xongkong saqchiliri dölet bixeterlik qanuni sewebidin tyenenmén weqeliride jénidin ayrilghanlarni xatirilesh üchün yighilishning cheklengenlikini uqturghan.
yene bir tereptin, yéqinqi ikki künde wuxen wirusigha munasiwetlik besh weqening bayqilishi sewebidin élan qilinghan bayanatta, ijtimaiy musape qaideliri alahide tekitlendi.
wuxen wirusi sewebidin eng köp bolghanda sekkiz kishining toplinishigha ruxset qilinidighanliqi xatirilitilgen bayanatta, kishilerning bir yerge toplinishining wabaning tarqilishini ashuridighanliqi qeyt qilindi.
shundaq qilip, her yili xongkongda xatirilinip kelgen tyenenmén meydanidiki démokratiyeni telep qilish namayishlirining basturulushi jeryanida jénidin ayrilghanlar üchün ötküzülüp kéliwatqan xatirilesh murasimliri tunji qétim cheklengen boldi.
biraq, «xitayning wetenperwer démokratik heriketlirini qollash xongkong ittipaqi» tyenenmén qurbanliri xatirilinidighan 4-iyun kéchide hörmette turush üchün wiktoriya baghchisida yighilidighanliqlirini élan qildi we xelqning sham yéqishni chaqiriq qildi.
1989-yili aprél éyida bashlinip 4-iyunghiche dawamlashqan we tyenenmén meydanida basturulghan namayishlarda, resmiy bolmighan reqemlerge asaslanghanda 2 mingdin artuq artuq kishi jénidin ayrilghan.
weqelerdin kéyin, nurghunlighan partiye we dölet emeldarliri tutulghan yaki qolgha élinip qamaqqa höküm qilinghan.
