xongkong parlaménti aldida namayish ötküzüldi

türkiye awazi radiyosi: xongkong parlaménti aldida xitay marshini haqaret qilghanlarni jazalash üchün sunulghan qanun layihisege qarshi namayish ötküzüldi. xongkong saqchiliri yash aqquzush bombisi étip namayishchilarni tarqitiwétishke urundi.

tenqidchiler xitay dölet marshigha munasiwetlik qanun layihesining xongkongdiki pikir erkinlikige bérilgen zerbe dep qarimaqta.

béyjing hökümiti bolsa, qararning wetenperwerlik rohi we döletning sotsiyalistik meniwi qimmet bayliqlirini tereqqiy qilduridighanliqini ilgiri sürmekte.

qanun layihesi boyiche, marshqa haqaret qilghanlargha 6 ming 450 dollarghiche jerimane qoyulidu.

béyjing hökümiti 2017-yili noyabirda dölet milliy marshigha haqaret qilghanlar we kemsitish xaraktérlik heriketlerde bolghanlarni 15 küngiche tutup turush yaki bir yildin üch yilghiche qamaq jazasi bérish we siyasiy hoquqidin mehrum qilish jazalirini bérishni telep qilghan qanun layihesini qobul qilghan idi.

xongkong bilen makaw (awmén) da ijra qilish qarar qilinghan qanun layihesi, putbol heweskarliri xongkongda chet el putbol komandiliri bilen ötküzülgen bir qétimliq musabiqide, xitay dölet marshi oqulghanda mazaq qilip towlighandin kéyin chiqirilghan idi.