jammu keshmirde toqunush yüz berdi

türkiye awazi radiyosi xewiri: hindistanning kontrolluqi astidiki jammu keshmirde musteqilliq terepdari qarshiliq körsetküchiler bilen hindistan xewpsizlik küchliri otturisida toqunush yüz bérip, kem dégende ikki adem jénidin ayrildi.

rayonluq jamaet xewpsizlik idarisi modiri kumar bayanat bérip, xewpsizlik küchlirining kulgam shehiridiki zerbe bérish herikitide ikki qoralliq kishining öltürgenlikini, köp miqdarda qanunsiz qoral we oq – dorining qolgha chüshürülgenlikini uqturdi.

kumar, hanji pora nahiyesining kud yézisidiki zerbe bérish herikitining dawamlishiwatqanliqini sözlirige ilawe qildi.

hindistan xewpsizlik küchlirining 6 – mayda pulwama rayoni béyghbora yézisida élip barghan zerbe bérish herikiti arqiliq «muhajidlar partiyesi teshkilati» rehberliridin riyaz naikuni öltürüshidin kéyin rayonda namayish we toqunushlar ewjige chiqip ketkenidi.

saqchi dairilirining bildürüshiche, hindistan xewpsizlik küchliri mushu yilning béshidin buyanqi zerbe bérish heriketliri arqiliq 75 qarshiliq körsetküchini bir terep qilghan, qarshiliq körsetküchilerge yardem qilghan 95 kishi nazaret astigha élinghan.