rusiye: nepeslinish üskünisi ewetishi amérikaning semimiyiti
rusiye «wuxen wirusi» gha qarshi küresh tedbirliri dairiside nepeslinish üskünisi ewetishining amérika qoshma ishtatlirining semimiyiti ikenlikini bildürdi.
türkiye awazi radiyosi xewiri: rusiye tashqi ishlar ministirliqi bayanatchisi mariya zaharowa, heptilik muxbirlarni kütüwélish yighinida, amérika qoshma ishtatlirining «wuxen wirusi» gha qarshi küresh tedbirliri dairiside, rusiyege mexsus bir ayropilan bilen deslepki qedemde 50 dane nepeslinish üskünisi ewetkenlikini, kéler hepte yene ewetidighanliqini, bu üskünilerning éhtiyajliq sehiye organlirigha tarqitip bérilidighanliqini eskertish bilen bir waqitta, ilgiri rusiyening amérika qoshma ishtatlirining niyu york shehirige tébbiy lazimetlikler ewetkenlikini, emdilikte bolsa, nepeslinish üskünisi ishlepchiqirish miqdarini ashurghanliqi üchün, amérika qoshma ishtatlirining rusiyege yardem bérish imkaniyige érishkenlikini tekitlep mundaq dédi: «bu her ikki terepning özara yardem bérish pirinsipida ching turidighanliqi we semiyitining namayendisidur. shuning bilen, her ikki terep burchini ada qilghan boldi.»
