gherbtiki 5 dölet israiliyeni gherbiy qirghaqni özige qoshuwélish pilanidin waz kéchishke chaqirdi
birleshken döletler teshkilati (b d t) xewpsizlik kéngishining firansiye, gérmaniye, bélgiye we éstoniye qatarliq gherblik töt ezasi bilen polsha, israiliyeni iyordan deryasining gherbiy qirghiqini özige qoshuwélish pilanidin waz kéchishke chaqirdi.
türkiye awazi radiyosi xewiri: mezkur besh dölet birleshme bayanat élan qilip, israiliye we pelestin mesilisige adil we üzül – késil chare izdesh üchün estayidil diyaloglarning qaytidin bashlinishini qollashqa teyyar ikenliklirini uqturdi.
«israiliye bilen pelestin otturisida bir kélishim hasil qilinmaydighanla bolsa, 1967 – yilidiki chégralarning sirtidiki herqandaq bir özgirishni étirap qilmaymiz» déyilgen bayanatta, israiliye bir tereplime qedem tashlash we iyordan deryasining gherbiy qirghiqini qoshuwélish pilanidin waz kéchishke chaqirildi.
bu jeryanda israiliye téléwiziyesi, rusiye tashqi ishlar ministiri sérgéy lawrowning, israiliyelik mensepdéshi gabi ashkénazigha, til awiw hökümitining ishghal astidiki gherbiy qirghaqning bezi jaylirini özige qoshuwélish pilanigha qarshi ikenlikini bildürgenlikini xewer qildi.
