aqsaray: yéngi tiptiki tajsiman wirusning wuxendiki tejribixanidin chiqqan bolush éhtimalliqi yuqiri

türkiye awazi radiyosi xewiri: obrayn aqsarayda ötküzgen axbarat élan qilish yighinida muxbirlarning bu heqtiki soallirigha jawab bergende, xitaygha «wuxen wirusi» heqqide tekshürüsh élip bérish mesiliside möhlet bérilmeydighanliqini tekitlep mundaq dédi: «yéngi tiptiki tajsiman wirus (Kovid-19) ning wuxendiki tejribixanidin chiqqan bolush éhtimalliqi nahayiti yuqiri, mutexessisler wirusning wuxendiki janliq haywan baziridin otturigha chiqqanliqini tekitlimekte. her ikki ehwaldimu bu xitaylar üchün yaxshi ish emes, derweqe, xitaydiki mal bazarlirida haywanlargha zulum qilinidu, jümlidin, bu yerdiki ehwal tolimu yirginchliktur. bu yerlerge munasiwetlik widéoni körsenglar, ehwalning qanchilik derijide heyran qalarliq we tolimu qorqunchluq ikenlikini körisiler.»

u, «wuxen wirusi» ning tejribixanida otturigha chiqqanliqigha dair dewalar heqqide qollirida delil – ispatlarning bar – yoqluqigha alaqidar soalgha jawab bergende mundaq dédi: «bu wirusning wuxendin tarqalghanliqini bilimiz. shuni alahide tekitlep ötimenki, yéqinqi 20 yil ichide xitaydin tarqalghan 5 yuqum pütkül dunyagha selbiy tesir körsetti.»