amérikada < F 35 > tipliq urush ayropilanliri mesiliside türkiye endishisi
amérika qoshma ishtatlirida «türkiyesiz < F 35 > tipliq urush ayropilanliri pirogrammisini ishqa ashurush mumkin emes» endishisi otturigha chiqti.
türkiye awazi radiyosi xewiri: dölet mejlisige közitish, analiz we tekshürüsh mulazimiti bilen shughullinidighan amérika hökümiti jawabkarliq ishxanisi teripidin < F 35 > tipliq urush ayropilanliri pirogrammisi heqqide teyyarlanghan doklatqa asaslanghanda, türkiye bu pirogrammidin chiqiriwétilgen teqdirde, bu, pirogrammining aqsap qalghan ishlepchiqirish we teminlesh basquchigha téximu yuqiri sewiyede selbiy tesir körsitidiken. «wuxen wirusi» sewebidin < F 35 > tipliq urush ayropilanlirini sinaq qilish we parchilirini ishlepchiqirish paaliyetlirining közge körünerlik derijide aqsap qéliwatqanliqi, ayropilanlarni toluq ishlepchiqirish paaliyetlirining 2021 – yili mart éyigha kéchikish éhtimalliqining yuqiri ikenliki qeyt qilinghan doklatta, «türkiye pirogrammidin chiqiriwétilgen teqdirde, bundaq xirislarning téximu köpiyip kétidighanliqi» gha alaqidar analiz diqqet qozghidi.
doklatta mundaq déyildi: «türkiyening 2019 – yili iyulda rusiyedin <400 – s> bashqurulidighan bomba mudapie sistémisi sétiwchélishidin kéyin otturigha chiqqan endishiler sewebidin, enqerening bu pirogrammidin chiqirilishi, ishlepchiqirish xirislirini téximu köpeytiwétidu.»
