liwiyediki hujumda nurghun puqra öldi
liwiyening sherqidiki qanunsiz qoralliq küchlerning rehberi xelife hefterge qarashliq xelq eskerlirining paytext trablusqa qilghan rakétamiyot hujumida bir ailidin 4 kishi hayatidin ayrildi.
1413796
türkiye awazi radiyosi xewiri: liwiye sehiye ministirliqi axbarat wasitiliri ishliri meslihetchisi emin elhashimining ammiwi ortaqlishish tor bétidiki sehipiside élan qilghan bayanatida bildürüshiche, hefterge qarashliq xelq eskerlirining paytext trablusning jenubidiki eyn zara rayonigha qilghan rakétamiyot hujumida, iptar dastixidiki bir ailidin 4 kishi qaza qilghan.
liwiye armiyesining aldida yéqindin buyan arqimuarqa qattiq meghlubiyetke uchrawatqan hefterge qarashliq xelq eskerlirining ötken hepte paytext trablustiki puqrawi olturaq rayonlirigha qilghan hujumlirida 15 puqra jénidin ayrilghan, 30 din artuq puqra yarilanghanidi.
5 – 7 may künliri trablusqa qilinghan hujumlardimu 14 puqra hayatidin ayrilghanidi.
