hefterning eskerliri liwiye armiyesige teslim boldi
liwiye hökümitige qarashliq ghezep wolqini herikiti paytext trablusning gherbiy jenubidiki watiyye hawa armiyesi bazisidiki hefter eskerlirining liwiye armiyesige teslim bolushqa bashlighanliqini uqturdi.
türkiye awazi radiyosi xewiri: ghezep wolqini herikiti teripidin bu heqte élan qilinghan yazma bayanatta mundaq déyildi: «watiyye hawa armiyesi bazisidiki hefterge qarashliq 6 xelq eskiri, rayonda turushluq général mayor usame juweyli qomandanliqidiki liwiye armiyesi qisimlirigha teslim boldi.»
liwiye armiyesi seyshenbe küni mezkur herbiy bazigha qozghighan herbiy heriket dairiside, rayonni tamamen qorshaw astigha alghanidi.
yene bir tereptin, liwiye hawa armiyesi qisimliri paytext trablusning gherbiy jenubigha jaylashqan watiyye hawa armiyesi bazisi etrapida turushluq isyanchi xelife hefter ge qarashliq qanunsiz qoralliq küchlerge qarshi hawa hujumi élip bardi.
liwiye armiyesi bayanatchisi podpolkownik muhemmed qanunining bu heqte élan qilghan yazma bayanatiche eskertishiche, watiyye hawa armiyesi bazisining 42 kilométir sherqiy jenubidiki elmesih rayonigha qilinghan hawa hujumida, 15 hefter eskiri bir terep qilinghan, 7 herbiy aptomobil pachaqlap tashlanghan.
