yawropada ige – chaqisiz ösmür panahlanghuchilar bekrek qobul qilinmaqta
yawropa ittipaqigha eza döletlerdin panahliq tiligen ige – chaqisiz ösmürlerning %30 ni afghanistanliqlar, %20 ni süriyelikler bilen pakistanliqlar teshkil qilidu.
türkiye awazi radiyosi xewiri: 2019 - yili texminen 14 ming ige – chaqisiz ösmür yawropa ittipaqigha eza döletlerdin panahliq tilidi.
yawropa istatistéka idarisining sanliq melumatlirigha asaslanghanda, 2019 - yili 13 ming 800 ige – chaqisiz ösmür yawropa ittipaqigha eza 27 dölettin panahliq tiligen, bu san aldinqi yili (2018) da 16 ming 800 bolup, 2015 – yili 92 ming ige – chaqisiz ösmürning panahliq télishi bilen eng yuqiri chekke yetken.
bu ige – chaqisiz ösmürlerning %85 ti oghullardin teshkilghan qilghan bolsa, bolarning 3 tin 2 sini 16 yashtin 17 yashqiche bolghanlar we %11 ni 14 yashtin töwen bolghanlar teshkil qilidiken.
yawropa ittipaqigha eza döletlerdin panahliq tiligen bu ige – chaqisiz ösmürlerning %30 ni afghanistanliqlar, %20 ni süriyelikler we pakistanliqlar teshkil qilidiken.
ige – chaqisiz ösmürlerning %24 tining panahliq télishi bilen yawropa ittipaqi boyiche grétsiye eng köp ösmür panahlanliq téligen dölet bolghan. uningdin qalsa gérmaniye %19 bilen ikkinchi, bélgiye %9 bilen üchinchi we gollandiye %8 bilen tötinchi bolghan.
