ikki heremde tarawih namazlirining jamaetsiz ada qilinidighanliqi uqturuldi
dunya miqyasida wuxen wirusi (kowid – 19) sewebidin qaza qilghanlar sani 170482 ge؛ yuqumlanghuchilar sani 2 milyon 482506 ge؛ salametliki eslige kelgenler sani 652479 gha yetti.
türkiye awazi radiyosi xewiri: bilorusiye sehiye ministirliqi, dölet tewelikide yuqum yüzisidin qaza qilghanlar sanining 51 ge, yuqumlanghuchilar sanining 6264 ke yetkenlikini uqturdi.
moldawiye sehiye ministirliqi, qaza qilghanlar sanining 68 ge, yuqumlanghuchilar sanining 2548 ge yetkenlikini élan qildi.
qazaqistan sehiye ministirliqi, qaza qilghanlar sanining 19 gha, yuqumlanghuchilar sanining 1775 ke, salametliki eslige kelgenler sanining ikkisi 82 yashliq ikki kishi bolup jemiy 447 ge yetkenlikini uqturdi.
ezerbeyjan sehiye ministirliqi qarmiqidiki kowid – 19 merkizi, qaza qilghanlar sanining 19 gha, yuqumlanghuchilar sanining 1436 ge, salametliki eslige kelgenler sanining 791 ge yetkenlikini, 626 kishini dawalash xizmetlirining dawamlishiwatqanliqini uqturdi.
özbéksitan sehiye ministirliqi, yuqum sewebidin qaza qilghanlar sanining 5 ke, yuqumlanghuchilar sanining 1604 ke, salametliki eslige kelgenler sanining 261 ge yetkenlikini bildürdi.
tajikistan sehiye we ijtimaiy asrash ministirliqi, hazirghiche dölet tewelikide kowid – 19 yuqumining bayqalmighanliqini, chet eldin qaytqan 1525 ademning her éhtimalliqqa qarshi karantin qiliniwatqanliqini uqturdi.
iyordaniye tashqi ishlar ministiri eymen sefedi, kowid – 19 xewpi yüzisidin süriyelikler turuwatqan rukban musapirlar lagérigha iyordaniye arqiliq yardem buyumlirining kirgüzülüshige ruxset qilmaydighanliqlirini uqturdi.
yuqumlanghuchilar sani 449 gha yetken pelestinde dölet reisi mehmud abbas, ishghal astidiki gherbiy qirghaqta kowid – 19 yuqumigha taqabil turush dairiside yolgha qoyulghan tedbirlerning boshitilishi toghrisida yolyoruq chüshürdi. pelestin silamiy qarshiliq körsitish herikiti – hamas, kowid – 19 mesiliside israiliyening ishghal astidiki quddusta yashaydighan pelestinliklerge meqsetlik halda tébbiy jehette chette qaldurush siyasitini yürgüzüwatqanliqini bildürdi.
israiliyede yuqum sewebidin qaza qilghanlar sani 177 ge, yuqumlanghuchilar sani 13713 ke, salametliki eslige kelgenler sani 4049 gha yetti.
marakeshte yuqumlanghuchilar sani 3046 ge yetti.
tunista qaza qilghanlar sani 38 ge, yuqumlanghuchilar sani 884 ke köpeydi.
seudi erebistan, wuxen wirusi sewebidin ramizan éyida mekke mukerremediki herem sherif we medinediki mesjidi nebewiyde tarawih namazlirining jamaetsiz ada qilinidighanliqi uqturdi.
afriqa döletliridin gana, ruanda we béninda kowid – 19 gha qarshi küresh dairiside kochilarda maska taqap yürüsh tüzümi yolgha qoyuldi.
