b d t: malida 5 milyon kishi acharchiliqqa duch kélishi mumkin
birleshken döletler teshkilati malida bu yil yémek – ichmek süpitining nacharliqi sewebidin 5 milyon kishining acharchiliqqa duch kélish éhtimalliqining barliqi toghruluq agahlandurush berdi.
türkiye awazi radiyosi xewiri: birleshken döletler teshkilati insanperwerlik yardem ishliri mashlashturush ishxanisining bildürüshiche, texminen 19 milyon nopusluq malida, nöwette 3.5 milyon kishi yémek - ichmek we uzuqlinish qiyinchiliqigha duch kéliwatqan bolup, bulardin 735 ming kishi achliq chékining astida iken. bu yil iyun – awghust aylirida yémek - ichmek qiyinchiliqigha duch kélidighan maliliqlar sanining 5 milyongha, bulardin 1.3 milyon kishining achliq chékidin töwen sewiyege chüshüp qélish éhtimalliqi yuqiri iken, shundaqla, bu reqem 2019 – yili noyabirdikige sélishturghanda barghanséri ashmaqta iken.
bayanatta tekitlinishiche, mushu hepte dunya yémek - ichmek pirogrammisining wasitisi arqiliq gaw, kayés, manaka, mopti, timbuktu we toadénit qatarliq toqunush rayonliridiki 320 ming kishige derhal yémek - ichmek jehettin yardem bérilidiken.