ereb birleshme xelipiliki liwiyediki herbiy isyanchilarning rayonigha 2 yük ayropilani yollidi

türkiye awazi radiyosi xewiri: birleshken döletler teshkilati teripidin étirap qilinghan liwiye döletlik muresseleshish hökümiti (UMH) ereb birleshme xelipilikidin yolgha chiqqan 2 herbiy yük ayropilanining herbiy isyanchi xelipe hafter unsurlirining kontrolluqidiki rayongha jaylashqan ereb birleshme xelipilikining herbiy bazisigha qonghanliqini élan qildi.

liwiye döletlik muresselishish hökümiti (UMH) ge tewe «ghezeplik yanar tagh herikiti» ning axbarat merkizi élan qilghan yazma bayanatta, ereb birleshme xelipilikining suweyxan herbiy hawa armiye bazisidin uchqan 2 herbiy yük ayropilanining liwiyening  sherqidiki qanunsiz qoralliq küchlerning rehbiri hafter unsurliri kontrol qiliwatqan el-merk shehirining jenubidiki el-hadim herbiy bazisigha qonghanliqi uqturuldi.

bayanatta mesile heqqide tepsiliy melumat bérilmidi.

axbarat merkizidin 28 – martta élan qilinghan yazma bayanatta, ereb birleshme xelipilikidin yolgha chiqqan we herbiy oq-dora qachilanghan «Ilyushin Il-76» tipliq rosiyede yasalghan yük ayropilanlirining liwiyening sherqige üch qétim uchqanliqi bildürülgen idi.

1 - ayning 12 - künidin 2 - ayning 25 – künigiche bolghan ariliqta, ereb birleshme xelipilikidin liwiyening sherqidiki hafter  unusrlirigha 100 qétim yük ayropilani qatnighanliqi we 6000 tonnidin artuq  yük toshulghanliqi éniqlanghan idi.