yawropa ittipaqi «wuxen wirusi» gha qarshi küresh qararnamisini maqullidi

türkiye awazi radiyosi xewiri:  yawropa ittipaqi kéngishi teripidin maqullanghan qararnamige asaslanghanda, yawropa ittipaqi xamchotidin «wuxen wirusi» gha qarshi küresh üchün 37 milyard yawroluq meblegh tesis qilinidiken, yawropa ittipaqigha eza döletler bu meblegh arqiliq özlirining sehiye sistémiliri we herqaysi organlirigha nahayiti téz shekilde yardem béreleydiken.

tebiiy apetlerge taqabil turushta ishlitilish üchün tesis qilinghan yawropa ittipaqi hemkarliq meblighi, «wuxen wirusi» gha qarshi küreshke alaqidar jiddiy ehwallardimu ishlitilidiken. hawa yolliri shirketliri riaye qilish tégishlik yawropa ittipaqining hawa qatnishigha munasiwetlik belgilimiliri 1 – marttin bashlap 24 – öktebirgiche toxtitilidiken. yéngi belgilimiler yawropa ittipaqining resmiy gézitide élan qilinghandin kéyin, 1 – apréldin bashlap ijra qilinidiken.