wuxen wirusi dunyada 30 mingdin artuq jangha zamin boldi

türkiye awazi radiyosi xewiri: yéqinqi 24 saette italiyede wuxen wirusi sewebidin jénidin ayrilghanlar sani 756 kishi éship, 10 ming 779 gha, yuqumlanghanlar 97 ming 689 gha yetti. chénowa (Cenova) shehiride wuxen wirusi üstidin ghalip kelgen 102 yashliq italika grondona (ItalicaGrondona) «ümidning simwoli» gha aylandi.

firansiyede wuxen wirusi sewebidin jénidin ayrilghanlarning sani yéqinqi 24 saette 292 kishi éship 2 ming 606 ge, yuqumlanghanlar 2 ming 599 kishi éship 40 ming 174 ke, jiddiy qutquzuluwatqanlar 4 ming 632 ge, dawalinip yaxshilanghanlar sani bolsa 7ming 132 ge yetti.

müluzi (Mulhouse) shehiridiki éwanzhélik (Evanjelik) chérkawida féwral éyida ötküzülgen murasimlargha qatnashqan ming kishide, wuxen wirusi bayqaldi. pirézidént makronning murasimlar ötküzülüwatqan waqitlarda, yeni 18-féwral müluzini ziyaret qilghanliqi bildürüldi.

ispaniyede wuxen wirusi sewebidin jénidin ayrilghanlar 7 ming 340 qa, yuqumlanghanlar töt saet ichide 6 ming 398 kishi éship 85 ming 195 ke chiqti. 12 ming 298 sehiye xadimida wirusning bayqalghanliqi bildürüldi.

gérmaniyede yuqumluq késellikler saheside tetqiqat élip bériwatqan robért koch (Robert Koch) inistitutining bashliqi lotar wiylér (Lothar Wieler): «doxturxanilarni imkaniyetning bériche yaxshi teyyarlishimiz kérek. jiddiy qutquzush bölümliridiki karwat sanini eng az dégende ikki hesse köpeytishimiz kérek. eger imkan bolsa uningdin köp chiqirishimiz kérek» dédi.

bir künde wuxen wirusi sewebidin jénidin ayrilghanlar 209 kishi éship 1 ming 228 ge, yuqumlanghanlar 2 ming 433 kishi éship 17 ming 89 gha yetken engliyede, dölet muawin sehiye diréktori doktor. jénniy harrés (Jenny Harries) ölümlerning kélerki ikki heptide ashidighanliqini agahlandurup, tedbirlerni dawamlashturghan ehwalda kéyinche töwenleshke yüzlinidighanliqini bildürdi.

ayal padishah 2-élizabétning yénida xizmet qilidighan yardemchiliridin biride wuxen wirusi bayqaldi. bu kishi ayal padishahning itini aylandurush, mektuplirini padishahqa yetküzüsh, yémek-ichmeklirini sunush qatarliqlargha mesul bolup, ayal padishah bilen yéqin alaqide ikenliki eskertildi.

yuqumlanghan shahzade charléz doxturxanidin chiqti. uning bayanatchisi salametlikining yaxshi ikenlikini élan qildi.

bash wezir boris jonsonning meslihetchisi dominik kamingis (Dominic Cummings) yuqumlinishning alametliri körülgenliki üchün özini karantin astigha alghanliqi bildürüldi.

bélgiyede bolsa, 513 kishi jénidin ayrildi, yuqumlanghanlar 11 ming 899 gha chiqti.   

amérikada wuxen wirusi sewebidin jénidin ayrilghanlar 2 ming 509gha, yuqumlanghanlar 143 ming 25 ke yetti. niyu yorkta bir künde 7 ming 195 kishi yuqumlanghan bolup, yuqumlanghanlarning texminen %60 ni igilidi.

 amérikada saqchi idarilirining wuxen wirusining éghir tesirige uchrighanliqi bilinmekte. bügüngiche 690 saqchining yuqumlanghanliqi qeyt qilindi. doxturxanida dawaliniwatqan ikki saqchi jénidin ayrildi.

amérika saqchi idariliri we pazharni idariliri birlikte pirézidént donald trampqa mektup ewetip, qoghdighuchi eslihelerning temilinishi üchün koréye urushi mezgilide testiqlanghan mudapie ishlepchiqirish qanunini ishqa sélishni telep qildi.

awstiraliyede wuxen wirusi sewebidin jénidin ayrilghanlar sani 18 ge, yuqumlanghanlar 4 ming 203 ke yetti.

jenubiy amérika qitesidiki boliwiyede wuxen wirusigha munasiwetlik tunji ölüm körüldi. 81 kishining yuqumlanghanliqi bildürüldi.