gollandiye xitaydin import qilinghan maskalarning sehiye ölchemlirige toshmaydighanliqini élan qildi
gollandiye yéngi tiptiki wuxen wirusi yuqumluq apitining aldini élish meqsitide, xitaydin impot qilinghan we tarqitilghan 1 milyon 300 ming maskadin 600 mingining yéterlek sehiye ölchemlirige ige bolmighanliqi sewebidin yighiwélinishini qarar qildi.
türkiye awazi radiyosi xewiri: gollandiye döletlik médiya orgini (NOS) ning tor bétide élan qilinghan bayanatta, sehiye , parawanliq we tenterbiye ministirliqining xitaydin maska import qilishni toxtitip, tarqitilghan maskilarning 600 mingining derhal yighishwilinishini qarar qilghanliqi bildürüldi.
bayanatta, buningdin kéyin import qilinidighan maskilarning qoshumche sinaqlardin ötküzülishi kérekliki tekitlendi.
bayanatta, bezi doxturxanilarning tarqétilghan maskilardin gumanlanghanliqi sewebidin gollandiye qollinishchan ilmiy tetqiqat teshkilati (TNO) gha maskalarni tekshürüp béqishni iltimas qilghanliqi we nurghun doxturxanilarning bu maskalarni ishletmigenliki uqturulup, «gollandiye qollinishchan ilmiy tetqiqat teshkilati (TNO ) xitay maskilirining kéreklik bixeterlik we saghlamliq ölchimige toshmaydighanliqini, yéngi tiptiki wuxen wirusi (Kovid-19) ning nepes yolidin ötishini tosup qalalmaydighanliqini bayqidi» déyildi.
bayanatta bu nachar maskilarning ishlitilgen yaki ishlitilmigenliki heqqide éniq melumat yoqliqi we bezi doxturxanilarning üskünilerning yéterlik bolmighanliqi sewebidin kona maskilarni dézinféksiye qilip ishletkenliki bildürüldi.
