asiya elliri künséri éghirlishiwatqan yuqumgha qarita küchlük tedbirlerni yolgha qoymaqta

türkiye awazi radiyosi xewiri: rusiye tewelikide bu wirusning tarqilishigha seweb bolghuchilargha 12 ming 300 dollar iqtisadiy jaza yaki 3 yilliq qamaq jazasi bérilidu. rusiye puqralirining bashqa döletlerdin qaytip kélishi ete axirlishidu.

iraqta wuxen wirusi sewebidin yéngidin 4 ademning qaza qilishi bilen qaza qilghanlar omumiy sani 28 ge yetti. iraqta 75 kishining salametlikining eslige kelgenliki, yuqumlanghuchilar sanining 316 ke yetkenliki élan qilindi.

hazirghiche bir ademde wirus bayqalghan ghezzediki fondi we diniy ishlar ministirliqi, yuqumgha taqabil turush dairiside rayondiki barliq meschitlerni 2 hepte taqashni qarar qildi. sehiye ministirliqining bayanatchisi eshref elqudre mundaq dédi: israiliyening 13 yildin köprek waqittin buyanqi muhasirisi sewebidin, tejribixanilardiki üskinilerning kemchil bolushidin sirt, muhim dorilarning %39ining, tébbiy lazimetliklerning %23ining, qan zapisining %60 yétersiz ikenlikini éytti. israiliyening pelestinliklerning hayatigha mesul ikenlikini tekitligen qudre israiliyening bu rayondiki sehiye we insaniy méxanizmlarni sistémiliq halda ajizlashturushi, ghezzeni wuxen wirusigha  taqabil turushtiki xeterlik ötkelge élip barghanliqigha isharet qildi. u, birleshken döletler teshkilatining barliq alaqidar organ we teshkilatlirini «ghezzediki qamalni emeldin qaldurush bilen birge, wuxen wirusigha qarshi turush üchün süniy nepeslendürüsh üsküniliri, dora, tébbiy lazimetlikler, tejribixana saymanliri»gha oxshash jiddiy éhtiyajni qamdashqa chaqirdi.

israiliyede yuqumdin qaza qilghanlarning sani 5 ke  köpeydi, yuqumlanghuchilar sani 2 mingdin éship ketti. wuxen wirusigha qarshi küresh dairiside, xususiy aptomobillarda ikkidin we taksilarda shopurdin bashqa birdin köp ademning olturmasliqi qarar qilindi. israiliyeliklerning öy we dorixanilargha bérishni hésabqa almighanda, öyidin 100 métir yiraqliqqiche bérishigha ruxset qilindi. buningdin bashqa bügün kechkiche israiliyediki barliq ibadetxanilarni taqash qarar qilindi.

afghanistanda kowid – 19 din yuqumlanghuchilar sani 80 ge, qaza qilghanlar sani 2 ge yetti. igilinishche, afghanistanda wezipe ötewatqan nato sépide wezipe ötewatqan 4 chet ellik eskerde wirus bayqalghan bolup, mezkur eskerlerning italiyelik ikenliki ilgiri sürülmekte. hérat waliysi abdulqeyyum rahimi bolsa, bügündin bashlap wilayet miqyasida sirtqa chiqishni cheklesh tüzümining yolgha qoyulghanliqini élan qildi.

ereb birleshme xelipilikide yéngidin 50 ademde wirus bayqalghanliqi, omumiy yuqumlanghuchilarning sanining 248 ge yetkenliki, 45 kishining salametlikining eslige kelgenliki bildürüldi.

qatarda yéngidin 25 kishide wirus bayqalghanliqi, yuqumlanghuchilar omumiy sanining 526 ge yetkenliki qeyt qilindi.

iyordaniye sehiye ministirliqi, yéngidin 26 kishide wirus bayqalghanliqini, yuqumlanghuchilar omumiy sanining 153 ke yetkenlikini élan qildi.

wirus sewebidin qaza qilghanlar sanining 19gha, yuqumlanghuchilar sanining 402 ge yetkenlikini uqturghan misir hökümiti, shu yer waqti 19:00 din 06:00 giche qismen kochigha chiqishni cheklesh tüzümining yolgha qoyulidighanliqini bayan qildi.

marakeshte wuxen wirusi  sewebidin qaza qilghanlar sani 5 ke , yuqumlanghuchilar sani 170 ke yetti.

liwiye memliketlik késelliklerge qarshi turush merkizi féysbuk bétide élan qilghan yazma bayanatida, bir kishide kowid – 19 wirusining bayqalghanliqi, buning liwiyede körülgen tunji yuqum ehwali ikenliki qeyt qilindi.

hindistanda, kowid - 19 wirusining tarqilishining aldini élish tedbirliri dairiside 21 künlük öydin chiqishni cheklesh tüzümini yolgha qildi.

seudi erebistanda riyad, mekke we medinening karantin qilinishi toghrisida buyruq chüshürüldi. seudi erebistan hökümiti, nöwetchi bashliqliq wezipisini ötewatqan 20 dölet guruhi bashliqlirining peyshenbe küni kowid – 19 gha taqabil turush mesililiri muzakire qilinidighan pewquladde «muhim téléwziye yighini» ötküzidighanliqini élan qildi.

malayshiya hökümiti, yuqumgha taqabil turush dairiside élan qilghan «kündilik paaliyetni cheklesh» belgilimisining mudditini 14-aprélghiche uzartishni qarar qildi. malayshiyada hazirghiche 1796 ademde wirus bayqaldi, 17 adem qaza qildi.

filippinda hayatidin ayrilghanlar sani 38 ge, yuqumlanghuchilar sani 636 ge yetti. yene filippindiki kommunist partizanlarm birleshken döletler teshkilati bash katipi gutérrésning kowid - 19 yuqumi esnasida pütkül dunyadiki qoralliq toqunushlarni toxtitish toghrisidiki chaqiriqigha awaz qoshidighanliqini jakarlidi.

4 adem qaza qilghan, 39 ademde wirus bayqalghan bangladéshta, 26 - marttin 4 - aprélghiche tash yollardiki barliq ammiwi qatnash wasitiliri toxtitildi.

nigériye yuqumgha qarshi turush xizmetliri dairiside, chégra boyliridiki barliq tamozhna éghizlirini 4 heptilik taqiwetti.

pil chiqshi qirghiqida tünügün kech shu yer waqti 21:00 din 05:00 kiche kochigha chiqish meni qilindi.

afriqida wuxen wirusidin yuqumlanghuchilar sani 2412 ge, qaza qilghanlar sani 64 ke yetti.

gerche sérraléon tewelikide wuxen wirusi bayqalmighan bolushigha qarimay, 12 ayliq «jiddiy halet» élan qildi.

mali we giwiniye bissawda birdin ademde tunji wirus bayqaldi.