iranda «wuxen wirusi» sewebidin ölgenlerning sani 1284 ke yetti

türkiye awazi radiyosi xewiri: sherq elliride «wuxen wirusi» sewebidin qaza qiliwatqanlarning sani barghanséri köpeymekte.

aldinqi yili  dékabirda otturigha chiqqandin we 200 mingdin artuq kishi yuqumlanghan «wuxen wirusi» sewebidin qaza qilghanlarning sani 9  minggha yéqinlashti.

iranda «wuxen wirusi» sewebidin ölgenlerning sani 1284 ke,  yuqumlanghanlar sani 17 ming 361 ge yetti.

iran sehiye ministirliqi bayanatchisi kiyanush jihanpurning bildürüshiche, iranda her 10 minutta bir adem «wuxen wirusi» sewebidin ölüp ketmekte iken.

u, ammiwi ortaqlishish tor béti Twitter sehipiside bu heqte élan qilghan bayanatida mundaq dédi: «dölitimizde her 10 minutta bir kishi <wuxen wirusi> sewebidin ölüp kétiwatidu, her bir saette 50 kishi <wuxen wirusi> bilen yqumliniwatidu.

pelestin bash ministiri muhemmed ishtiyye, «wuxen wirusi» sewebidin ishghal astidiki iyordan deryasining gherbiy qirghiqidiki beytullehme shehiride jiddiy halet élan qildi, iyordan deryasining gherbiy qirghiqida «wuxen wirusi» bilen yuqumlanghanlar sanining 44 ke yetkenlikini jakarlidi.

yuqumlanghanlar sani 113 ke yetken ereb birleshme xelipilikide «wuxen wirusi» gha taqabil turush tedbirliri dairiside puqralarning chet elge chiqishi meniy qilindi.

qatarda 452, kuweytte 142, seudi erebistanda 67, iyordaniyede 56, ummanda 39 kishi «wuxen wirusi» bilen yuqumlandi.

«wuxen wirusi» bilen yuqumlanghanlar sani 529 gha yetken israiliyede pirézidént réuwén riwlin, «wuxen wirusi» gha qarsha küresh tedbirliri dairiside pelestin dölet reisi mehmud abbas bilen téléfonda körüshti.

buningdin bashqa yene, israiliye chet elliklerning döletke kirishige ruxset qilinmaydighanliqini, bu cheklimining israiliyede yashawatqan chet elliklerni öz ichige almaydighanliqiini jakarlidi.

dölette «wuxen wirusi» gha qarsha küresh tedbirliri dairiside barliq mektepler taqalghan bolushigha qarimay, ultra – ortodokos (harédi) yehudiylirining mektepliri (yéshiwa) ning taqalmasliqi naraziliq qozghimaqta.

ukrainada parlamént ezasi shahowning «wuxen wirusi» bilen yuqumlanghanliqi éniqlap chiqildi, payteit kiyéw rayonida jiddiy halet élan qilindi.

«wuxen wirusi» bilen yuqumlanghanlarning sani 147 ge yetken rusiyede, bash ministir mixail mishustin, wirusqa taqabil turush tedbirliri dairiside amérika qoshma ishtatliri, ereb birleshme xelipiliki we engliyege ayropilan seperlirining bikar qilinghanliqini uqturdi.

rosiye dölet mudapie ministirliqi bu dölette chsirtqa chiqishni cheklesh buyruqining yolgha qoyulidighanliqi toghrisidiki eyibleshlerning asassiz ikenlikini jakarlidi.

sehrayi kebirning jenubidiki afriqa döliti burkina fasoda yéngi tiptiki tajisiman wirus (Kovid-19) sewebidin tunji qétim adem ölüsh ehwali körülgenliki bildürüldi.

bélarusiyede 51,  özbékistanda 15, qazaqistanda 36 kishi «wuxen wirusi» bilen yuqumlandi.

qazaqistanning paytexti nursultan we almutada yéngi tiptiki tajisiman wirusi (kowid -19) sewebidin karantin qilish bashlandi.

dunya sehiye teshkilati afriqa qitesi miqyasida yéngi tiptiki tajisiman wirus sewebidin 17 kishining qaza qilghanliqini bildürdi.

nigériyedimu wirus sewebidin barliq putbol paaliyetliri bir ay toxtitildi.

malayshiyaning sabiq bash ministiri maxatir muhemmed yéngi tiptiki tajisiman wirus (Kovid-19) bilen yuqumlanghan bolush éhtimalliqini nezerde tutup, öyide karantin qiliwatqanliqini jakarlidi.