putin: yaponlar bilen birlikte élip yürüshke bolidighan wirusqa diyagnoz apparati yasap chiqtuq
rusiye prézidénti wiladimir putin, yapon mutexessisliri bilen birliship yasap chiqqan wuxen wirusini bayqash iqtidarigha ige élip yürüshke eplik téz sinaq apparatini yürüshleshtürüp ishlepchiqirishqa ötüshni pilanlawatqanliqini éytti.
![putin: yaponlar bilen birlikte élip yürüshke bolidighan wirusqa diyagnoz apparati yasap chiqtuq](http://cdn.trt.net.tr/images/xlarge/rectangle/047e/6449/14a7/5e71f5917965e.jpg?time=1719215067)
türkiye awazi radiyosi xewiri: rusiye prézidénti wiladimir putin, rusiyening yapon mutexessisliri bilen birliship yasap chiqqan wuxen wirusi (yéngi tiptiki tajisiman wirus - Kovid-19) ni bayqash iqtidarigha ige élip yürüshke eplik téz sinaq apparatini, aldimizdiki ayda yürüshleshtürüp ishlepchiqirishqa ötüshni pilanlawatqanliqini éytti.
putin ichki kabénit yighinida, rusiyening kowid - 19 qarita yolgha qoyghan chare – tedbirliri toghrisida toxtaldi؛ u, rusiyede Kovid-19 ni bayqash iqtidarigha ige yéngi bir élip yürüshke eplik téz sinaq üskünisining barliqqa kelgenlikini bildürüp, bu üskünining dunyada bir yéngiliq ikenlikini qeyt qildi.
putin, «rusiyening meblegh sélishi bilen, yapon mutexessisler bilen hemkarliship yasap chiqilghan élip yürüshke eplik téz süretlik kowid-19 sinaq üskünisini 4 - ayda ishlepchiqirishni pilanlimaqta» dédi.
dölettiki doxturlar we saqliqni saqlash xadimlirini yéqindin qollap – quwwetlesh üchün tégishlik tedbirlerning yolgha qoyulushini telep qilghan putin, yiraqtin rétsipsiz dora sétiwélish toghrisidimu bir qararname imzalighanliqini, tébbiy lazimetlikler bilen dora zapaslirining ashurulidighanliqini eskertti.
u yene kowid - 19 toghrisida xelqke chaqirip qilip, «eng qattiq we eng küchlük kontrol qilishni kapaletke ige qilish kérek. men puqralarning yolgha qoyulghan tedbirlerni chüshinishini ümid qilimen» dédi.
مۇناسىۋەتلىك خەۋەرلەر
![hejde wapat bolghanlarning sani 1300 din ashti](http://cdn.trt.net.tr/images/medium/rectangle/de7a/4a07/b475/666eac96c0472.jpg?time=1719215068)
hejde wapat bolghanlarning sani 1300 din ashti
seudi erebistanda hej ibaditini ada qilsh jeryanida 1301 kishining wapat bolghanliqi élan qilindi.