wuxen wirusi waksénasi sinaq qilindi
wuxen wirusi (Kovid-19) waksénasining amérika paytexti washingtondiki tetqiqat inistitutida sinaq qilinghanliqi bildürüldi.
türkiye awazi radiyosi xewiri: amérika döletlik sezgür we yuqumluq késellikler tetqiqat inistituti(NIAID) wuxen wirusi waksénasi toghrisida bayanat élan qildi.
bayanatta, wuxen wirusigha qarshi tetqiq qilip yasalghan wakséna, washingtondiki tetqiqat inistitutida, jénnifér hallér(Jennifer Haller) isimlik 43 yashliq ayal pédaiy üstide sinaq qilinghanliqi qeyt qilindi.
bayanatta mundaq déyildi:
«texminen alte hepte dawamlishidighan tibbiy sinaq 18 yashtin 55 yashqiche bolghan 45 saghlam pédaiy üstide élip bérilidu. sinaqqa tunji bolup qatnashqan kishige wakséna uruldi.»
qeyt qilinishiche, pidaéylar waksénaning ünümining yaxshi-yaman we bixeter yaki emeslikining bilinishi üchün, oxshimighan basquchlardin ötüshi kérek iken.
amérikaliq mesullar eger hemme ish pilandikidek ilgirilise, waksénaning 1 yildin 1 yérim yilghiche bolghan ariliqta teyyar bolidighanliqini bildürdi.
wakséna amérika döletlik sezgür we yuqumluq késellikler tetqiqat inistitutining alimliri we biyotéxnologiye shirkiti teripidin tetqiq qilip yasaldi.wabagha qarshi teyyarliq fondi (CEPI) sinaq qilish üchün fond ajratti.
