aqsaray: «wuxen wirusi» gha qarshi küresh üchün qoshumche meblegh telep qilinidu
aqsaray «wuxen wirusi» gha qarshi küresh üchün kem dégende 2.5 milyard dollar qoshumche meblegh telep qilinidighanliqini uqturdi.
türkiye awazi radiyosi xewiri: aqsaray xamchot we bashqurush ishliri ishxanisi bayanatchisi rachél sémmél bu heqte élan qilghan yazma bayanatida mundaq dédi: «tramp hökümiti <wuxen wirusi> ning keng taqilishigha jiddiy qarimaqta. bu dairide wirusqa qarshi küresh üchün 2.5 milyard dollarliq qoshumche meblegh ajritilish pilanini dölet mejlisige sunimiz, bu mebleghdin bir milyard dollarliq qismi, wirusqa qarshi waksina yasash paaliyetlirini tézleshtürüsh meqsitide ishlitilidu.»
amérika dölet mejlisidiki démokratlar uzundin buyan «wuxen wirusi» mesiliside tramp hökümitini agahlandurup, trampni bu heqte qedem tashlashqa chaqiriwatatti.
tramp bolsa, bügün ammiwi ortaqlishish tor béti Twitter sehipiside élan qilghan bayanatida, «amérika qoshma ishtatlirida <wuxen wirusi> kontirol astida, barliq terepler we munasiwetlik döletler bilen dawamliq alaqe qiliwatimiz» dégenidi.