shi jinping kiriziske yoluqqanliqlirini étirap qildi
shi jinping wuxen shehiride otturigha chiqqan wirusning «hazirmu rehimsiz we nahayiti murekkep» halette ikenlikini bildürdi.
türkiye awazi radiyosi xewiri: xitay reisi shi jinping wuxen wirusning tarqilishini qetiylik bilen tosushni chaqiriq qilip, wirusning özliri üchün «kirizis we chong imtihan» ikenlikini, kompartiye 1949-yili hakimiyet béshigha kelgendin buyan eng téz tarqalghan, shundaqla aldini élish we kontrol qilish eng tes bolghan jiddiy sehiye mesilisi bolghanliqini bildürdi.
bezi yawropa ittipaqi döletliri wuxen wirusining aldini élish xizmetlirige hesse qoshush üchün xitaygha, maska, peley we bezi yuqumlinishtin qoghdaydighan eshyalarni yardem qildi.
yawropa ittipaqi komitétining bu heqtiki yazma bayanatida, komitéttin bashqa, awstiriye, chéxiye, wéngriye we slowéniye qatarliq döletlerning, xitaygha 25 ming tonna qoghdighuchi eshyalarni ewetkenliki bildürüldi.
wuxen shehiride 2019-yili 12-dékabir otturigha chiqqan wuxen wirusi qisqa waqit ichidila bashqa sheher we döletlerge tarqaldi. dunya sehiye teshkilati bu sewebtin «jiddiy halet» élan qilghan idi.
